ބުރާސްފަތި 01 އޮކްޓޯބަރ 2020
11 އަތަ
1442 ސަފަރު 13
ފަތިސް 04:41
އިރުއަރާ 05:52
މެންދުރު 12:00
އަސްރު 15:08
އިރުއޮއްސޭ 18:00
އިޝާ 19:11
ކޮވިޑް-19 ދުނިޔޭގެ ހާލަތު

އެއް ދުވަހުގެ ތެރޭގައި ކޮވިޑް ޖެހުނު މީހުންގެ ރެކޯޑް އަނެއްކާވެސް މުގުރާލައިފި

  • އެންމެ ގިނަ އަދަދެއްގެ ކޭސްތައް ރިޕޯޓްކޮށްފައިވަނީ އިންޑިޔާ، އެމެރިކާ އަދި ބްރެޒިލްއިން
  • ކުރިން އެންމެ ގިނަ އަދަދެއްގެ މީހުން ޕޮޒިޓިވްވީ ސެޕްޓެމްބަރ މަހުގެ 6 ވަނަ ދުވަހު
  • ޕޮޒިޓިވްވާ މީހުންގެ އަދަދުތައް މައްޗަށް ދިޔަ ނަމަވެސް، މަރުވާ މީހުންގެ އަދަދުތައް ވަނީ ދަށަށް ދާން ފަށާފައި

ކ. މާލެ | 15 ސެޕްޓެންބަރ 2020 | އަންގާރަ 07:19 | 7,399

މުމްބާއީގެ ބަސް ސްޓޭޝަނެއްގައި މީހުން ކިޔު ހަދައިގެން. މިހާރު ދުވާލެއްގެ މައްޗަށް އެންމެ ގިނަ ކޭސް ރިޕޯޓްކުރަނީ އިންޑިއާއިން - ރޮއިޓަރސް

އާދިއްތަ ދުވަހު 307،930 މީހުންނަށް ކޮވިޑް-19 ޖެހިފައިވާ ކަމަށް ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) އިން ބުނެފިއެވެ.

މިއީ 24 ގަޑިއިރު ތެރޭގައި އެންމެ ގިނަ އަދަދެއްގެ މީހުންނަށް ކޮވިޑް ޖެހިގެން ރިޕޯޓްކުރި ދުވަހެވެ. ޑަބްލިޔުއެޗްއޯގެ ވެބްސައިޓުން ދައްކާގޮތުގައި އެންމެ ގިނަ އަދަދެއްގެ ކޭސްތައް ރިޕޯޓްކޮށްފައިވަނީ އިންޑިޔާ، އެމެރިކާ އަދި ބްރެޒިލް އިންނެވެ. އާދިއްތަ ދުވަހު މި ބަލި ޖެހިގެން މަރުވެފައިވާ މީހުންގެ އަދަދަކީ 5537 އެވެ.

އެންމެ ފަހުގެ ތަފާސް ހިސާބުތައް ދައްކާގޮތުން އާދިއްތަ ދުވަހު އެންމެ ގިނަ އަދަދެއްގެ ބަޔަކު ޕޮޒިޓިވްވެގެން ރިޕޯޓްކޮށްފައިވަނީ އިންޑިއާއިންނެވެ. އިންޑިޔާއިން އެދުވަހު 94،372 މީހުންނަށް ވައިރަސް ޖެހުނުކަމަށް ރިޕޯޓްކޮށްފައިވާއިރު، އެމެރިކާއިން 45،523 މީހުންނަށް އަދި ބްރެޒިލް އިން 43،718 މީހުންނަށް ވަނީ ވައިރަސް ޖެހިފައެވެ.

މީގެ ކުރިން އެއް ދުވަހާ އެންމެ ގިނަ އަދަދެއްގެ މީހުންނަށް ކޮވިޑް ޖެހިގެން ރިޕޯޓްކޮށްފައިވަނީ މި މަހުގެ 6 ވަނަ ދުވަހުއެވެ. އެ ދުވަހު 306،857 މީހުންނަށް މި ބަލި ޖެހިފައިވާކަމަށް ވަނީ ރިޕޯޓްކޮށްފައެވެ. މިހާތަނަށް އެއް ދުވަހާ އެންމެ ގިނަ އަދަދެއްގެ މީހުން މިބަލީގައި މަރުވެގެން ރިޕޯޓްކޮށްފައިވަނީ އޭޕްރީލް މަހުގެ 17 ވަނަ ދުވަހު އެވެ. އެއީ 12،430 މީހުންނެވެ.

އިންޑިޔާއަކީ މިވަގުތު ދުވާލެއްގެ މައްޗަށް އެންމެ ގިނަ އަދަދެއްގެ މީހުންނަށް ކޮވިޑް-19 ޖެހިގެން ރިޕޯޓްކުރަމުން އަންނަ ގައުމެވެ. އެގޮތުން އެގައުމުގައި މިދިޔަ ހަފްތާގައި ވަނީ އެއްދުވަހާ 97،570 މީހުންނަށް ވައިރަސް ޖެހިގެން ދުނިޔޭގައި އެންމެ ގިނަ މީހުންނަށް އެއް ދުވަހާ އެއް ގައުމަކުން ވައިރަސް ޖެހިގެން ރިކޯޑް ހަދާފައެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.