ރާއްޖެ
ކޮޮވިޑް-19: ރައީސް މައުމޫން
ބަލިން ފަސޭހަފުޅުވެ، ރައީސް މައުމޫން ގެއަށް ބަދަލުވެވަޑައިގެންފި
ރައީސް މައުމޫން ކޮވިޑަށް ޕޮޒިޓިވްވިކަން ހާމަކުރައްވާފައިވަނީ އޮގަސްޓް މަހުގެ 25 ވަނަ ދުވަހު
އަމަން ހަލީމް, ރާއްޖެ އެމްވީ | 14 ސެޕްޓެމްބަރު 2020 | ހޯމަ 10:00
ކުރީގެ ރައީސް މައުމޫން އަބްދުލްގައްޔޫމް
ކުރީގެ ރައީސް މައުމޫން އަބްދުލްގައްޔޫމް ކޮވިޑް-19 އިން ފަސޭހަފުޅު ވެއްޖެއެވެ.
މިކަން ހާމަކުރައްވާފައިވަނީ އެމަނިކުފާނު ކުރެއްވި ޓުވީޓެއްގައެވެ.
އެމަނިކުފާނު ވިދާޅުވީ ކޮވިޑް-19 ބަލިން ފަސޭހަފުޅުވެ، ހޯމަ ދުވަހު ދަރުމަވަންތަ ހޮސްޕިޓަލުން ގެއަށް ބަދަލުވެ ވަޑައިގެންފައިވާ ކަމަށެވެ. އަދި ވައިރަސް ޖެހިފައިވާ އެހެން މީހުންނަށް ވެސް ބަލިން ޝިފާ ދެއްވުމަށް އެދި ދަންނަވާ ކަމަށް ޓުވީޓުގައިވެއެވެ.
ރައީސް މައުމޫން ކޮވިޑަށް ޕޮޒިޓިވްވިކަން ހާމަކުރައްވާފައިވަނީ އޮގަސްޓް މަހުގެ 25 ވަނަ ދުވަހުއެވެ.
