ޕާކިސްތާނުގައި ކޮވިޑް-19 ޖެހުނު މީހުންގެ އަދަދު 3 ލައްކައަށް އަރައިފި
13 ސެޕްޓެމްބަރު 2020 | އާދީއްތަ 09:00ޕާކިސްތާނުގައި ކޮވިޑް-19 ޖެހުން މީހުންގެ އަދަދު 3 ލައްކައަށް
ކޮވިޑް ޓެސްޓު ކުރަނީ
ޕާކިސްތާނުގައި ކޮވިޑް-19 ޖެހުން މީހުންގެ އަދަދު 3 ލައްކައަށް އަރައިފިއެވެ.
ވެއިތުވެދިޔަ 24 ގަޑިއިރުތެރޭގައި އެކަނިވެސް ކޮވިޑް-19ގެ 548 ކޭސް ވަނީ ފެނިފައެވެ. އަދި 5 މީހަކު ވަނީ މި ބަލީގައި ދުނިޔެ ދޫކޮށް ގޮސްފައެވެ. މިއާއެކު މިbބަލިން މަރުވި މީހުންގެ އަދަދުވަނީ 6370 އަށް އަރާފައެވެ. އަދި އިއްޔެ ޕޮޒިޓިވްވި މީހުންނާއެކު ކޮވިޑް-19 ޖެހުނު މީހުންގެ އަދަދު ވަނީ 300371 އަރާފައެވެ.
ބަލި ޖެހުނު މީހުންގެ އަދަދު ތިން ލައްކައަށް އެރިކަމުގައި ވީނަމަވެސް މި ބަލިން މިހާތަނަށް 288206 މީހަކު ރަނގަޅުވެފައެވެ.
މިހާރު އެކްޓިވްކޭސް އެއްގޮތުގައި އިނީ 5795 ކޭސްއެވެ. އަދި މީގެތެރެއިން 535 މީހުންގެ ހާލަތު ގޯސްކަމަށް އެގައުމުގެ ރިޕޯޓުތަކުން ބުނެއެވެ.
ޕާކިސްތާނުގައި ފުރަތަމަ ކޮވިޑް-19ގެ ކޭހެއް ފެނިފައިވަނީ ފެބްރުއަރީ 26 ގައެވެ. ފުރަތަމަ ކޭސް ފެނިފައި ވަނީ އިރާންގައި ކިޔަވަން އުޅެފައި އެގައުމުގެ ކަރާޗީ އަށް އެނބުރިއައި ކުއްޖެއްގެ ގައިންނެވެ.
