ތޫފާން ހައިޝަން، ޖަޕާނަށް މިހަފްތާގައި އައި ދެވަނަ ތޫފާން

ތޫފާން ހައިޝަން އަކީ މިހަފްތާ ތެރޭގައި ޖަޕާނަށް އައި ދެވަނަ ތޫފާންއެވެ. މިތޫފާންގެ ވައި ގަދަވެ ގެތަކުގެ ފުރާޅުތަށްވަނީ އެއްލާލަފައެވެ. އަދި ޖަޕާންގެ އެތަކެއް ކޯރުތަކެއް ބަންޑުން ޖަހާފާނެ ކަމަށް ލަފާކުރެވޭކަމަށް އޮފިޝަލުންނާ ހަވާލާދީ ރިޕޯޓްތަކުގައިވެއެވެ. މިކަމާއި ގުޅިގެން 50,000 އަށްވުރެއް ގިނަމީހުންނަށްވަނީ ރައްކާތެރި ސަރަހައްދުތަކަށް ހިޖުރަ ކުރަން މަޖުބޫރުވެފައެވެ.

ތޫފާން ހައިޝަންގައި ގަޑީރަކު 100 މޭލަށް ވައިގަދަވާނެކަމަށް ވަނީ ލަފާކޮށްފައެވެ. މިތޫފާން އަރާނެކަމަށްލަފާކޮށްފައިވަނީ 6 ސެޕްޓެމްބަރުވީ އާއްދިއްތަ ދުވަހުގެ ހެދުނުގެ ވަގުތެއްގައެވެ. މިތޫފާނުގެ ބާރުމިން އަދި ހުރީ ކެޓެގަރީ ދެއެއްގައެވެ.

ތޫފާން ހައިޝަން އަކީ މިދިޔަ ހަފްތާގެތެރޭގައި ޖަޕާނަށް އެރި ތޫފާން މެއިސެކް އާއި ދާދި އެއްގޮތް ތޫފާނެއް ކަމަށްވެސް ރިޕޯޓުތަކުގައިވެއެވެ. މިތޫފާން އަރައި އެތައްސަތޭކަ މީހަކަށްވަނީ ގެއްލުންވެފައެވެ. އަދި އެތަކެއް ގެތަކެއްގައި ކަރަންޓު އަދިވެސް ނެތް ކަމަށް ރިޕޯޓުތަކުގައިވެއެވެ.

ނިއުޒިލޭންޑުން 43 ކުރޫ މެންބަރުންނާއި 5800 ގެރި ގޮވައިގެން ދަތުރުކުރި ކާގޯ ބޯޓެއްވަނީ ތޫފާން ހައިޝަންގެ ސަބަބުން ޖަޕާންކައިރިއަށް ބަންޑުން ޖަހާލާފައެވެ. މިހާދިސާގައި މިހާތަނަށް ފެނިފައިވަނީ ސަލާމަތުން ހުރި ދެމީހުންނާއި މަރުވެފައި އޮތް އެކަކުގެ ހަށިގަނޑެވެ.