ހުކުރު ދުވަހު ދެކުުނު ފިލިޕީންސްއަށް ރިކްޓާ މިންގަނޑުން 6.7 ގައި އައި ބިންހެލުމެއްގައި މަދުވެގެން ހަތަރު މީހުން މަރުވެ, 100 އަށް ވުރެ ގިނަ މީހުން މަރުވެއްޖެ ކަމަށް އޮފިޝަލުން ބުނެފިއެވެ.

ފިލިޕީންސްގެ މިންޑަނާއޯ އައިލަންޑުގެ ސުރިގައޯ ސިޓީ ކައިރިއަށް އައި ބިންހެލުމުގެ ސަބަބުން އިމާރާތްތައް ބިމާހަމަވެ އެތައް ސަރަހައްދުތަކަކުން ކަރަންޓު ކެނޑުނު ކަމަށް ރިޕޯޓުތައް ބުނެއެވެ.

ރިޕޯޓުތައް ބުނާގޮތުން ބިންހެލުން އައި ސަރަހައްދުގެ ރައްޔިތުން ރޭގަނޑު ހޭދަކުރީ ޕާކު ފަދަ ހާމަ ތަންތަނުގައެވެ.

ބިންހެލުމާއި ގުޅޭ ގޮތުން އެމެރިކާގެ ޕެސިފިކް ސުނާމީ ވޯނިން ސެންޓަރުން ބުނީ ބިންހެލުމާއި ގުޅިގެން ސުނާމީއެއްގެ ބިރު ނެތް ކަމަށެވެ. އަދި ބިންހެލުން އައީ ސުރިގައޯ ސިޓީގެ 13 ކިލޯމީޓަރު އިރުން 10 ކިލޯމީޓަރު އަޑިއަށް ކަމަށެވެ.

ފިލިޕީންސްއަކީ އާންމުކޮށް ބިންހެލުން ގިނައިން އަންނަ ސަރަހައްދެއްގައި އޮންނަ ގައުމެކެވެ.