5 މީހުންނަށް ފަރުވާދެމުންދަނީ ވެންޓިލޭޓަރުގައި
ދަރުމަވަންތަ ހޮސްޕިޓަލްގެ އައިސީޔޫގައި ފަސް މީހުންނަށް ފަރުވާ ދެމުންދާ އިރު ތިން މީހުންނަށް ފަރުވާދެނީ ވެންޓިލޭޓަރުގައި
ދަރުމަވަންތަ ހޮސްޕިޓަލް
ކޮވިޑް-19 އަށް ފަރުވާ ހޯދަމުންދާ މީހުންގެ ތެރެއިން ފަސް މީހުންނަށް މިހާރު ފަރުވާދެމުން ދަނީ ވެންޓިލޭޓަރުގައި ކަމަށް ހެލްތު އެމަޖެންސީ އޮޕަރޭޝަން ސެންޓަރުގެ ތަރުޖަމާން، ޑޮކްޓަރު ނަޒްލާ ރަފީގު ވިދާޅުވެއްޖެއެވެ.
ހޯމަ ދުވަހުގެ ރޭ ކުރިއަށް ގެންދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުން، ޑޮކްޓަރު ނަޒްލާ ވިދާޅުވީ، އައިސީޔޫގައި ފަރުވާދެމުންދާ ފަސް މީހުންގެ ތެރެއިން ތިން މީހުންނަށް މިވަގުތު ފަރުވާދެމުން ދަނީ ވެންޓިލޭޓަރުގައި ކަމަށެވެ. އޭގެ އިތުރުން ދަރުމަވަންތަ ހޮސްޕިޓަލްގެ 16 ވަނަ ފަންގިފިލާގައި ހަ މީހުންނަށް ފަރުވާދެމުންދާ ކަމަށާއި 20 ވަނަ ފަންގިފިލާގައި ފަރުވާދެމުންދަނީ އެކަކަށް ކަމަށް ނަޒްލާ ވިދާޅުވިއެވެ.
ޑޮކްޓަރު ނަޒްލާ އިތުރަށް ވިދާޅުވީ، ބ. އޭދަފުށި ކޮވިޑް ފެސިލިޓީގައި ވެސް މީހަކަށް ފަރުވާދެމުންދާ ކަމަށާއި ހުޅުމާލެ މެޑިކަލް ފެސިލިޓީގައި ފަރުވާދެމުންދަނީ 156 މީހުންނަށް ވޯޑުގައި ފަރުވާ ދެމުންދާ ކަމަށާއި އައިސީޔޫ ގައި ތިން މީހަކަށް ފަރުވާދެމުންދާއިރު ދެ މީހުން މިވަގުތު ދެ މީހުން އެބަތިބި ކަމަށް ޑޮކްޓަރު ފާހަގަކުރެއްވިއެވެ.
ރާއްޖެ އިން ކޮވިޑަށް 172 މީހުންނަށް ފަރުވާދެމުން ދަނީ އެޑްމިޓް ކޮށްގެންނެވެ. އަދި އައިސޮލޭޝަންގައި 1،451 މީހުން ތިބިއިރު، ރާއްޖޭގައި މިވަގުތު އެކްޓިވް ކޭސްތަކުގެ އަދަދު ވަނީ 2،615ށް އަރާފައެވެ.
