ރައީސް މައުމޫން ކޮވިޑަށް ޕޮޒިޓިވްވެއްޖެ
ރައީސް މައުމޫން ވަނީ ކުރެއްވި ޓުވީޓެއްގައި އެކަން ކަށަވަރުކޮށްދެއްވާފަ
ރައީސް މައުމޫން އަބްދުލްޤައްޔޫމް އެމަނިކުފާނުގެ އަނބިކަނބަލުންނާއެކު
ކުރީގެ ރައީސް މައުމޫން އަބްދުލްޤައްޔޫމް ކޮވިޑް-19 އަށް ޕޮޒިޓިވްވެއްޖެ އެވެ. ރައީސް މައުމޫން ވަނީ ކުރެއްވި ޓުވީޓެއްގައި އެކަން ކަށަވަރުކޮށްދެއްވާފައެވެ.
މައުލޫމާތު ލިބިފައިވާގޮތުން ހުމުގެ އާލާސްކަންފުޅެއްގައި ރައީސް މައުމޫން ވަނީ އަންގާރަ ދުވަހު ޓްރީޓޮޕް ހޮސްޕިޓަލަށް ވަޑައިގެންފައެވެ.
ރައީސް މައުމޫންގެ އުމުރުފުޅަކީ 83 އަހަރު އެވެ. އެ އުމުރު ފުރާއަކީ ކޮވިޑް-19ގެ ހައި ރިސްކް ކެޓަގަރީ އެވެ.
ރައީސް މައުމޫން ކޮވިޑަށް ޕޮޒިޓިވްވި ހަބަރާއި އެކު ގިނަ ބަޔަކު ދަނީ އެމަނިކުފާނަށް އަވަސް ޝިފާއަށް އެދެމުންނެވެ.
ރައީސް މައުމޫން ކޮވިޑަށް ޕޮޒިޓިވްވެފައިވާއިރު އެމަނިކުފާނު އަނބިކަނބަލުން ނަސްރީނާ އިބްރާހިމް ވަނީ މީގެ ކުރިން ކޮވިޑަށް ޓެސްޓު ކުރައްވާފައެވެ. އެކަމަނާ ވަނީ ކޮވިޑަށް ނެގެޓިވްވެފައެވެ.
