ކޮވިޑް ޖެހުނު މީހުންގެ އަދަދު 20 މިލިއަނަށް
11 އޯގަސްޓު 2020 | އަންގާރަ 02:07އެންމެ ބޮޑަށް ފެތުރެނީ ލެޓިން އެމެރިކާގައި
މީހަކުގެ ފިނިހޫނު މިން ޗެކްުކުރަނީ
ކޮވިޑް-19 ޖެހުނު މީހުންގެ އަދަދު 20 މިލިއަނަށް އަރާފައިވާ ކަމަށް ބައިނަލްއަގްވާމީ މަޝްހޫރު ނޫސް، ރޮއިޓާސް އިން އެއްކޮށްފައިވާ މައުލޫމާތުތައް ދައްކައިފިއެވެ.
ރޮއިޓާސްގެ ''ޓެލީ'' ދައްކާ ގޮތުން ބަލި ޖެހުނު މީހުންގެ ތެރެއިން ދެބައިކުޅަ އެއްބައި މީހުންނަކީ އެމެރިކާ، ބްރެޒިލް އަދި އިންޑިއާގެ މީހުންނެވެ. އެކި ގައުމުތަކުގެ ސަރުކާރުތަކުން ލިބިފައިވާ މައުލޫމާތުގެ މައްޗަށް ބިނާކޮށް ހަދާފައިވާ ރިޕޯޓް ދައްކާ ގޮތުން ބަލިޖެހޭ މީހުންގެ އަދަދު ދަނީ އިތުުރުވަމުންނެވެ.
މި އަހަރުގެ ޖެނުއަރީ މަހު ޗައިނާއިން ފެނުނު ކޮވިޑް-19 ވައިރަސް ޖެހުނު މީހުންގެ އަދަދު 10 މިލިއަނަށް އަރަން ނެގީ ހަތް މަސް ދުވަހުއެވެ. އެ އަދަދު ދެ ގުނަ އަށް އިތުރުވެ 20 މިލިއަންއަށް އެރީ 43 ދުވަހެގެ ތެރޭގައެވެ. ކޮވިޑުގެ ކޭސްތަކުގެ ތެރެއިން ފަސް މިލިއަން ކޭސް އެމެރިކާއިން ރިޕޯޓްކޮށްފައިވާއިރު، ބްރެޒިލް އިން ބަލި ޖެހުނު މީހުން އަދަދު އުޅެނީ ތިން މިލިއަންގައެވެ. އިންޑިއާގެ ދެ މިލިއަނެއްހާ މީހުންނަށް ވަނީ ބަލިޖެހިފައެވެ.
ބަލި އެންމެ ބޮޑަށް މިހާރު ފެތުރުމުންދަނީ ލެޓިން އެމެރިކާގެ ގައުމުތަކުގައެވެ. ބަލި ޖެހުނު މީހުންގެ ތެރެއިން 28 އިންސައްތަ އަދި ބަލީގައި މަރުވި މީހުންގެ 30 އިންސައްތަ މީހުން ހިއްސާ ކުރަނީ ލެޓިން އެމެރިކާ އަށް ކަމަށް ރޮއިޓާސްގެ ޓެލީން ދައްކައެވެ.
