ހުޅުމާލޭގައި ޕަބްލިކް ލައިބްރަރީއެއް ހުޅުވަނީ
މި ލައިބްރަރީ ހުޅުވަނީ އުގައިލް ފައުންޑޭޝަންގެ ފަރާތުން
ސިމާހާ ނަސީމް, ރާއްޖެ އެމްވީ | 28 ޖުލައި 2020 | އަންގާރަ 04:43
ހުޅުވުމަށް ނިންމާފައިވާ ލައިބްރަރީގެ ފޮޓޯއެއް
އުގައިލް ފައުންޑޭޝަނުން ހުޅުމާލޭގައި ޕަބްލިކް ލައިބްރަރީއެއް ހުޅުވުމަށް ނިންމައިފިއެވެ.
ހައުސިންގ ޑިވެލޮޕްމަންޓް ކޯރޕަރޭޝަން، އެޗްޑީސީ އާއި އުގައިލް ފައުންޑޭޝަން ގުޅިގެން ކުރިއަށް ގެންދާ މި މަސައްކަތުގެ ބައެއް ފޮޓޯތައް ޕްރޮފެސަރ ޙަސަން އުގައިލް ވަނީ ޓުވިޓަރ އެކައުންޓް މެދުވެރިކޮށް ހިއްސާ ކުރައްވާފައެވެ.
އިންޓަރލެކްޗުއަލް ކޮންސެޕްޓަކަށް ތައްޔާރުކޮށްފައިވާ މި ލައިބްރަރީ ޤާއިމުކޮށްފައިވަނީ ހުޅުމާލޭ ސެންޓްރޯ މޯލުގެ 3 ވަނަ ފަންގިލާގައެވެ.
ލައިބްރަރީ ހިލޭ ބޭނުން ކުރެވޭނެ ކަަމަށް އުގައިލް ވަނީ ވިދާޅުވެފައެވެ. ލައިބްރަރީ އާއްމުންނަށް ހުޅުވާލުމަށް ހަމަޖެހިފައިވަނީ އަންނަ މަހުގެ ތެރޭގައި ކަމަށް މައުލޫމާތު ލިބިއެވެ.
