ދިވެހިރާއްޖޭގެ 55 ވަނަ މިނިވަން ދުވަހުގެ ތަހުނިޔާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ރައްޔިތުންނަށް ފޮނުއްވައިފިއެވެ.
މިނިވަން ދުވަހު މުނާސަބާއާއި ގުޅިގެން ރައީސް ސޯލިހު ކުރެއްވި ޓުވީޓެއްގައި ވަނީ ދިވެހިންނަކީ ހުރިހާ ގޮތަކުންވެސް މިނިވަން އަދި އުފާވެރި ބަޔެއްގެ ގޮތުގައި އަބަދަށް ލެއްވުމަށް ދުއާކުރައްވައި، މިނިވަންކަމަށް 55 އަހަރު ފުރުމުގެ އުފާވެރި މުނާޞަބަތުގައި ރައްޔިތުންނަށް، އިޚްލާޞްތެރި ތަހުނިޔާ އާއި ހެޔޮއެދުންތައް އަރިސް ކުރައްވާފައެވެ.
މިނިވަން ދުވަހުގެ މުނާސަބާ ފާހަގަކުރުމުގެ ގޮތުން ދިދަ ނެގުމުގެ ޚާއްޞަ އިޙްތިފާލުގައި ވެސް ރައީސް ސޯލިހު ވަނީ ބައިވެރިވެވަޑައިގަންނަވާފައެވެ.
