އަންގާރަ 04 އޯގަސްޓު 2020
07 އަހުލިހަ
1441 ޒުލްޙައްޖު 14
ފަތިސް 04:47
އިރުއަރާ 06:02
މެންދުރު 12:16
އަސްރު 15:34
އިރުއޮއްސޭ 18:23
އިޝާ 19:38
ބޯޑަރު ހުޅުވާލުން

ބޯޑަރު ހުޅުވި ފަހުން އެންމެ ގިނަ ފަތުރުވެރިން ރާއްޖެ އައީ އިނގިރޭސި ވިލާތުން

  • އިނގިރޭސިވިލާތުގެ 117 މީހަކު ވަނީ ރާއްޖެ އައިސްފައި
  • ދެވަނައަށް އެންމެ ގިނަ ފަތުރުވެރިން އައިސްފައިވަނީ އެމެރިކާއިން

ކ. މާލެ | 24 ޖުލައި 2020 | ހުކުރު 18:13 | 2,259

ރާއްޖެ އައި ފްލައިޓެއް ވެލާނާ އިންޓަނޭޝަނަލް އެއާޕޯޓްގައި ޖައްސާފައި - ރާއްޖެއެމްވީ

މި ހިނގާ ޖުލައި މަހުގެ 15 ގައި ރާއްޖޭގެ ބޯޑަރު ހުޅުވި ފަހުން މިހާތަނަށް ރާއްޖެ އައިސްފައިވަނީ 904 ފަތުރުވެރިން ކަމަށް މޯލްޑިވްސް އިމިގްރޭޝަން އިން ބުނެފިއެވެ.

އިމިގްރޭޝަނުން ހާމަކޮށްފައިވާ ގޮތުން ފާއިތުވި ދިހަ ދުވަހު އެންމެ ގިނައިން ރާއްޖެ އައިސްފައިވަނީ އިނގިރޭސި ވިލާތުގެ ފަތުރުވެރިންނެވެ.

އެގޮތުން އެ ގައުމުން 117 ފަތުރުވެރިއަކު މިހާތަނަށް އައިސްފައިވާއިރު ދެވަނަ އަށް އެންމެ ގިނަ ފަތުރުވެރިން އައިސްފައިވަނީ އެމެރިކާއިންނެވެ. އެ ގައުމުން މިހާތަނަށް 106 ފަތުރުވެރިއަކު ވަނީ ރާއްޖެ އައިސްފައެވެ.

ޖާރުމަންވިލާތުގެ 73 ފަތުރުވެރިއަކު ރާއްޖެ އައިސްފައިވާއިރު ސްވިޒަލޭންޑް އަދި ރަޝިޔާގެ 45 ފަތުރުވެރިއަކު ވަނީ ރާއްޖެ އައިސްފައެވެ. ފިލިޕީންސްގެ 35 ފަތުރުވެރިއަކު، ޔޫއޭއީ އަދި ސްޕެއިންގެ 31 ފަތުރުވެރިއަކު، ހަންގޭރީގެ 30 އަދި މިސްރުގެ 23 ފަތުރުވެރިއަކު ވަނީ މިހާތަނަށް ރާއްޖެ އައިސްފައެވެ.

ސަރުކާރުގެ އަމާޒަކީ މިއަހަރު ނިމުމުގެ ކުރިން 8 ލައްކަ ފަތުރުވެރިން ރާއްޖެ ގެނައުމެވެ. ކޮވިޑް-19 ރާއްޖެއިން ފެނުމާ ގުޅިގެން ބޯޑަރު ބަންދު ކުރީ މާރޗު މަހުގެ 27 ވަނަ ދުވަހު އެވެ.

ރާއްޖޭގެ ބޯޑަރުތައް މި މަހުގެ 15 ވަނަ ދުވަހު ހުޅުވާފައިވާއިރު އެންމެ ފުރަތަމަ ޖައްސާފައިވަނީ ގަތަރުގެ ފްލައިޓެކެވެ. މި ފްލައިޓުން 100 ފަތުރުވެރިން ވަނީ ރާއްޖެ އައިސްފައެވެ. ބޯޑަރު ހުޅުވިފަހުން މިހާތަނަށް ރާއްޖެއަށް އިއްތިހާދު އެއަރވޭސް އާއި އެމިރޭޓްސްގެ ފްލައިޓްތައް ވަނީ ޖައްސާފައެވެ.

މީގެ އިތުރުން ސްރީލަންކަން އެއަރލައިންސް، ސިންގަޕޯރ އެއަރލައިންސް، ސިލްކްއެއަރ، ހޮންގް ކޮންގް އެއަރލައިންސް، ގަލްފް އެއަރ، އިންޑިގޯ އެއަރލަންސް އަދި ބުރިޓިޝް އެއަރވޭސް އިން ވެސް ރާއްޖެއަށް ދަތުރުތައް ފެށުމަށް ވަނީ ހަމަޖެހިފައެވެ.

ސެޕްޓެމްބަރު މަހު ސްވިޓްޒަލެންޑުގެ އެޑެލްވައިސްގެ ދަތުރުތައް ރާއްޖެއަށް ފެށުމަށް ހަމަޖެހިފައިވާއިރު އޮކްޓޯބަރު މަހުގެ އެއްވަނަ ދުވަހުން ފެށިގެން ޓަރކިޝް އެއަރލައިންސްގެ ދަތުރުތައް ވެސް ރާއްޖެއަށް ފަށާނެއެވެ.

ރާއްޖެއަށް ދަތުރުތައް ފެށުމަށް 12 އެއަރލައިނަކުން ޝެޑިއުލްކޮށްފައިވާއިރު ރާއްޖެއަށް ދަތުރުކުރާ އެއަރލައިންތަކަށް ހާއްސަ ޑިސްކައުންޓުތަކެއް ދޭން އެމްއޭސީއެލުން ވަނީ ނިންމާފައެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.