އަންގާރަ 15 އޮކްޓޯބަރ 2019
12 ހިތަ
1441 ސަފަރު 16
ފަތިސް 04:38
އިރުއަރާ 05:49
މެންދުރު 11:56
އަސްރު 15:10
މަޣްރިބް 17:55
އިޝާ 19:06
ވިޔަފާރި - މައުމޫން

2016 ވަނަ އަހަރު ނޮވެމްބަރުގެ ނިޔަލަށް 73000 ކިލޯގެ ސްޓޯބެރީ ވަނީ ރާއްޖެ އެތެރެކޮށްފަ

އަޒްލިފާ އަބްދުﷲ
AzuAzlifa

ކ. މާލެ 7 ޖެނުއަރީ 2017 | ހޮނިހިރު 05:34 2,293

ރާއްޖެ އެތެރެ ކޮށްފައިވާ ސްޓޯބެރީ - އަޒުމޫން އަހުމަދު

ނިމިގެންދިޔަ 2016  ވަނަ އަހަރު ރާއްޖެ އެތެރެކުރި ސްޓޯބެރީގެ އަދަދު އިތުރު ވެއްޖެ  އެވެ.

މޯލްޑިވްސް ކަސްޓަމްސް ސާރވިސް ގެ ތަފާސް ހިސާބު ތަކުން ދައްކަ ގޮތުގައި މިދިޔަ އަހަރުގެ ޖެނުއަރީން ނޮވެމްބަރުގެ ނިޔަލަށް ރާއްޖެއަށް 73،111.38 ކިލޯގެ ސްޓޯބެރީ އެތެރެކޮށްފައިވެއެވެ.

މިއީ 2014 އަދި 2015 ވަނަ އަހަރާއި އަޅާ ބަލާއިރު އިތުރު އަދަދެއް ކަމަށް ކަސްޓަމްސް އިން މައުލޫމާތު ދެއެވެ.

ކަސްޓަމްސްގެ ތަފާސް ހިސާބުތަކަށް ބަލާއިރު މިދިޔަ އަހަރުގެ ޖެނުއަރީން ނޮވެމްބަރުގެ ނިޔަލަށް 10 މިލިއަނަށްވުރެ ގިނަ ރުފިޔާގެ ސްޓޯބެރީ ވަނީ ރާއްޖެއަށް އެތެރެކޮށްފައިވެއެވެ. މި މުއްދަތުގައި ރާއްޖެއަށް އެންމެ ގިނައިން ސްޓޯބެރީ އެތެރެކޮށްފައިވަނީ ޔުނައިޓެޑް ޢަރަބް އެމިރޭޓްސުންނެވެ. އެޤައުމުން ވަނީ 27،816.98 ކިލޯގެ ސްޓޯބެރީ އެތެރެކޮށްފައިވެއެވެ. މިއީ ރުފިޔާއިން ބަލާއިރު 4 މިލިއަނަށްވުރެ ގިނަ ރުފިޔާގެ ސްޓޯބެރީއެވެ. ނަމަވެސް މިއީ ފާއިތުވެދިޔަ 2015 ވަނަ އަހަރާއި 2016 ވަނަ އަހަރު ޔުނައިޓެޑް ޢަރަބި އެމިރޭޓްސްއިން ރާއްޖެއަށް އެތެރެކުރި ސްޓޯބެރީގެ ޢަދަދުގެ ނިސްބަތުން ދަށް ޢަދަދެކެވެ.

2 ވަނައަށް އެންމެގިނައިން ސްޓޯބެރީ އެތެރެކޮށްފައިވަނީ އޮސްޓްރޭލިއާއިންނެވެ. އެޤައުމުން ވަނީ ރާއްޖެއަށް 13،339.02 ކިލޯގެ ސްޓޯބެރީ އެތެރެކޮށްފައިވެއެވެ. މިއީ 2 މިލިއަނަށްވުރެ ގިނަ ރުފިޔާގެ ސްޓޯބެރީއެވެ. 2016 ވަނަ އަހަރުގެ ޖެނުއަރީން ނޮވެމްބަރު މަހުގެ ނިޔަލަށް ރާއްޖެއަށް ސްޓޯބެރީ އެތެރެކޮށްފައިވާ ޤައުމުތަކުގެ ތެރެއިން ބޮޑު ކުރިއެރުމެއް ހޯދާފައިވާ ޤައުމަކީ ފްރާންސެވެ. 2014 ވަނަ އަހަރު ފްރާންސުން ރާއްޖެއަށް އެތެރެކޮށްފައިވަނީ 894 ކިލޯގެ ސްޓޯބެރީއެވެ. އަދި 2015 ވަނަ އަހަރު އެތެރެކޮށްފައިވަނީ 1،070 ކިލޯގެ ސްޓޯބެރީއެވެ. މިޢަދަދު 2016 ވަނަ އަހަރު މިވަނީ 13،181.69 ކިލޯއަށް އިތުރުވެފައެވެ. އެހެންކަމުން ފްރާންސުން މިއަހަރުގެ ރާއްޖެއަށް އެތެރެކުރި ސްޓޯބެރީގެ ޢަދަދު މިވަނީ 12،000 ކިލޯ އިތުރުވެފައެވެ.

 

 

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް