އިނގިރޭސި ވިލާތުން ރާއްޖެ އައި ފަތުރުވެރިންގެ އަދަދު ލައްކައަކަށް ވުރެ މައްޗަށް
2015 ވަނަ އަހަރު އިނގިރޭސި ވިލާތުން ރާއްޖެ އައި ފަތުރުވެރިންގެ ނިސްބަތައް ވުރެ 2016 ގައި ގާތްގަނޑަކަށް 10 އިން ސައްތަ އިތުރުވި
ރިސޯޓެއްގެ ފަޅުތެރޭގައި ފަތުރުވެރިއަކު ރަރާމު ކުރަނީ
ހުސްވި 2016 ވަނަ އަހަރު ރާއްޖެއަށް އިނގިރޭސި ވިލާތުން އައި ފަތުރުވެރިންގެ އަދަދު އެއްލައްކައަށްވުރެ މައްޗަށް ގޮސްފައިވާ ކަމަށް ޓްރެވަލް ވީކްލީން ހާމަކޮށްފިއެވެ.
މިއީ 2015 ވަނަ އަހަރު އިނގިރޭސި ވިލާތުން ރާއްޖެ އައި ފަތުރުވެރިންގެ ނިސްބަތައް ވުރެ ގާތްގަނޑަކަށް 10 އިން ސައްތަ އިތުރު އަދަދެކެވެ. 2015 ވަނަ އަހަރު އިނގިރޭސި ވިލާތުން ރާއްޖެ އައިސްފައިވަނީ ނުވަދިހަ ދެހާސް ހަތްސަތޭކަ ހަތްދިހަ ފަސް ފަތުރުވެރިންނެވެ. 2016 ވަނަ އަހަރު އެއްލައްކަ އެއްހާސް އަށް ސަތޭކަ ސާޅީސް ތިން ފަތުރުވެރިން އެ ގައުމުން ރާއްޖެއަށް ޒިޔާރަތް ކޮށްފައި ވެއެވެ.
ދިވެހިރާއްޖޭގެ ފަތުރުވެރި ކަމުގެ ސިނާއަތުގައި އިނގިރޭސި ވިލާތް ހިއްސާ ކުރާ ނިސްބަތަކީ ހަތެއް އިން ސައްތައެވެ.
ސީޕްލޭންގެ ދަތުރުތައް ފުޅާ ވުމާއި، އިތުރު ރިސޯޓްތައް ތަރައްގީ ވަމުން ދިއުމާއެކު 2017 ވަނަ އަހަރު އިނގިރޭސި ވިލާތުން ރާއްޖެއަށް އަންނަ ފަތުރުވެރިންގެ އަދަދު 2017 ވަނަ އަހަރު އިތުރަށް މައްޗަށް ދާނޭ ކަމަށް ލަފާ ކުރާ ކަމަށްވެސް ޓްރެވަލް ވީކްލީގައި ވެއެވެ.
