އާދީއްތަ 16 އޯގަސްޓު 2020
06 މާ
1441 ޒުލްޙައްޖު 26
ފަތިސް 04:48
އިރުއަރާ 06:01
މެންދުރު 12:14
އަސްރު 15:28
އިރުއޮއްސޭ 18:20
އިޝާ 19:33
ބޭންކް އޮފް މޯލްޑިވްސް

ބީއެމްއެލް ގިފްޓް ކާޑެއް ހޯދާލަން ފަސޭހަ ވެއްޖެ، ގިނަ ފިހާރަތަކުން ލިބޭނެ

  • ގިފްޓް ކާޑުގައި 200 ރުފިޔާ އިން ފެށިގެން 1000 ރުފިޔާ ބޭނުންކުރެވޭނެ

ކ. މާލެ | 13 ފެބްރުއަރީ 2017 | ހޯމަ 00:43 | 2,409

ފިހާރަތަކުން ބީއެމްއެލްގެ ގިފްޓް ކާޑު ވިއްކަން ފެށުން ތައާރަފުކުރަން ސިވިލް ކޮފީ ސޮސައިޓީގައި ބޭއްވި ރަސްމިއްޔާތުގެ ތެރެއިން - ރާއްޖެ އެމްވީ

ފެބްރުއަރީ މަހުގެ 12 ވަނަ ދުވަހުން ފެށިގެން ރީޓެއިލް ވިޔަފާރިކުރާ ގިނަ އަދަދެއްގެ ތަންތަނުން ގިފްޓް ކާޑު ގަންނަން ލިބޭނެ ކަމަށް ބޭންކް އޮފް މޯލްޑިވްސްއިން ހާމަކޮށްފިއެވެ.

 

މިކަން ހާމަކޮށްފައިވަނީ މިހާރު މާލޭން ގިފްޓް ކާޑު ގަންނަން ލިބެން ހުންނާނެ ތަނެއް ކަމުގައިވާ، ސިވިލް ކޮފީ ސޮސައިޓީ ކެފޭގައި ބޭއްވި ކުޑަ ހަފްލާއެއްގައެވެ.

 

މި ހަފްލާއަށް ޒިޔާރަތްކުރި މެހެމާނުންނަށް ވަނީ "އަހަރެންގެ ބޭންކް" ޚާއްސަ ގިފްޓްކާޑު ހަދިޔާކޮށްފައިވެއެވެ.

 

މިދިޔަ އަހަރު ލޯންޗުކުރި ބީއެމްއެލް ގިފްޓް ކާޑަކީ ކަނޑައެޅިފައިވާ ވަކި އަދަދަކަށް ފައިސާ ބޭނުންކުރެވޭ ގޮތަށް އަދި ގަންނަ ވަގުތުން ފެށިގެން ބޭނުންކުރެވޭ ކާޑެކެވެ.

 

 މާސްޓަރ ކާޑާއި ގުޅިގެން ބީއެމްއެލްއިން ތަޢާރަފްކުރި ގިފްޓް ކާޑުގައި 200 ރުފިޔާ، 300 ރުފިޔާ، 500 ރުފިޔާ، 700 ރުފިޔާ އަދި 1000 ރުފިޔާ ބޭނުންކުރެވޭނެ ކާޑު ހުރެއެވެ.

 

ގިފްޓް ކާޑު ބޭނުންކޮށްގެން ވިޔަފާރި ކުރުމަށްފަހު ފައިސާ ދެއްކުމަށް ރާއްޖޭގެ އެންމެ ބޮޑު ޕީއޯއެސް ނެޓްވޯކްކަމުގައިވާ ބީއެމްއެލް ޕީއޯއެސް މެޝިން ބޭނުންކުރެވޭނެއެވެ.

 

މި ހަފްލާގައި ވާހަކަފުޅު ދައްކަވަމުން ބީއެމްއެލްގެ ޑެޕިއުޓީ ސީއީއޯ އަދި ޑައިރެޓަރ އޮފް އޮޕަރޭޝަންސް މުހައްމަދު ޝަރީފް ވިދާޅުވީ ގިފްޓް ކާޑަކީ ރަހުމަތްތެރިންނާއި ލޯބިވާ މީހުންނަށް ދޭން އެންމެ ރަގަޅު އެއް ހަދިޔާ ކަމަށާއި ވަރަށް ރީތިކޮށް ޑިޒައިންކޮށްފައިވާ މި ކާޑަކީ ނަގުދު ފައިސާ ހަދިޔާގެ ގޮތުގައި ދިނުމުގެ ބަދަލުގައި ބޭނުންކުރެވޭނެ އެއްޗެއް ކަމަށެވެ.

 

"މިއަދަށްފަހު ގިނަ އަދަދެއްގެ ވިޔަފާރި ކުރާ ތަންތަނުން މިކާޑު ލިބޭނެ އިންތިޒާމު ހަމަޖެހިގެން ދިޔުމަކީ އަޅުގަނޑަށް ލިބޭ ވަރަށް ބޮޑު އުފަލެއް." ޝަރީފް ވިދާޅުވި އެވެ.

 

"އަހަރެންގެ ބޭންކް" ކެމްޕޭނަކީ ދިވެހިންނާއި ދިވެހި މުޖުތަމައުއަށް ބީއެމްއެލް އާ އޮތް ގުޅުން އިތުރަށް ބަދަހި ކުރުމަށް މުޅި ރާއްޖެއަށް އަމާޒުކޮށްގެން ކުރިޔަށް ގެންދާ ކެމްޕޭނެކެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.