އެންމެ ގިނަ ޑޭޓާ ހިމެނޭ ދެ ޕެކޭޖް ދިރާގުން ތައާރަފުކޮށްފި
ރާއްޖެއިން ބޭރުގެ ކޮންމެވެސް އެއްގައުމަކަށް ގުޅާ އިރު 50 ޕަސެނޓްގެ ޑިސްކައުންޓް ލިބޭނެ
ދިރާގުގެ މައި އިމާރާތް
ރާއްޖޭގައި އެންމެ ގިނަ ޑޭޓާ ހިމެނޭ ގޮތަށް "ސްމާރޓް އެގްޒެކެޓިވް" ގެ ނަމުގައި ޚާއްޞަ ޕޯސްޓްޕެއިޑް ދެ ޕެކޭޖެއް ދިރާގުން ތައާރަފުކޮށްފި އެވެ.
އާދިއްތަ ދުވަހު ދިރާގުން ތަޢާރަފްކުރި ޕެކޭޖްގެ ދަށުން ރާއްޖޭގެ ކޮންމެ ނެޓްވޯކަކަށްވެސް ބޭނުން ވަރަކަށް ކޯލާއި އެސްއެމްއެސް ކުރެވޭނެ ކަމަށް ދިރާގުން ބުންޏެވެ.
"ސްމާރޓް އެގްޒެކެޓިވް 1499" އަދި "ސްމާރޓް އެގްޒެކެޓިވް 1999" ގެ ނަމުގައި ތަޢާރަފް ކުރި މި ދެ ޕެކޭޖަކީ ވިޔަފާރި ވެރިންނާއި، އެގްޒެކެޓިވްސް އަދި ޕްރޮފެޝަނަލް މަސައްކަތް ކުރައްވާ ބޭފުޅުންނަށް ވަރަށް އެކަށީގެންވާ ޕެކޭޖްތަކެއް ކަމަށްވެސް އެކުންފުނިން ބުންޏެވެ.
ސްމާރޓް އެގްޒެކެޓިވް 1499 ގައި 30 ޖީބީ ޑޭޓާ އަދި ސްމާރޓް އެގްޒެކެޓިވް 1999 ގައި 45 ޖީބީގެ ޑޭޓާ ހިމެނޭނެއެވެ.
މިއީ ރާއްޖޭގައި މިހާތަނަށް މޯބައިލް ޕެކޭޖަކަށް ކަނޑައެޅޭ އެންމެ ބޮޑު ޑޭޓާ އެލަވަންސް ކަމަށާއި އަދި މި ދެ ޕެކޭޖުން ވެސް ޑޭޓާ އެލަވަންސް ހުސްވިޔަސް އެކްސެސް ޗާޖެއް ނޯންނާނެ ކަމަށްވެސް ދިރާގުން ހާމަކުރެއެވެ.
މީގެ އިތުރުން ދެޕެކޭޖުންވެސް، ހިޔާރު ކުރާ ރާއްޖެއިން ބޭރުގެ ކޮންމެވެސް އެއްގައުމަކަށް ގުޅާ އިރު 50 ޕަސެންޓްގެ ޑިސްކައުންޓް ލިބޭނެއެވެ.
