" ވަން ވާރލްޑް ޓްރެވެލް މާޓު 2017" ގައި ރާއްޖެއިން ބައިވެރިވެއްޖެ އެވެ.
ޖުމްލަ 15 އެގްޒިބިޓަރުންނާއި އެކީ ކުރިއަށްދާ މިފެއަރގައި ރާއްޖެއިން ބައިވެރިވެފައިވާއިރު ފެއަރ ކުރިއަށްދާނީ ފެބްރުއަރީ 21 އިން ފެށިގެން 23ގެ ނިޔަލަށް އިންޑިޔާގެ މުމްބާއީގަ އެވެ.
މިފެއަރއަށް ޒިޔާރަތް ކުރާ މީހުންނަށް ހާއްސަ ކަންތައްތަކެއް ހަމަޖެހިފައިވާއިރު، 2016 ވަނަ އަހަރުގެ މިފެއަރގައި ފަންސާހަށް ވުރެ ގިނަ ގައުމުން ތޭރަ ހާސް އެއްސަތޭކަ ފަސްދޮޅަސް މީހުން ވަނީ ޒިޔާރަތްކޮށްފައެވެ. އޯޓީއެމް މިފެއަރއަކީ އިންޑިޔާގެ އިތުރުން ބޭރު ޤައުމުތަކުން ބައިވެރިވެގެން ބާއްވާ އެންމެ ބޮޑު ފެއަރ އެކެވެ.
ރާއްޖެއަށް ޒިޔާރަތްކުރާ ފަތުރުވެރިންގެ ތެރެއިން އިންޑިޔާ ހިމެނެނީ އެންމެ ގިނައިން ފަތުރުވެރިން ޒިޔާރަތްކުރާ ފަސް ގައުމުގެ ތެރޭގައެވެ. އެގޮތުން 2016 ވަނަ އަހަރު ނިމުނު އިރު ރާއްޖެއަށް ޒިޔާރަތްކުރި އިންޑިޔާގެ ފަތުރުވެރިންގެ އަދަދު ވަނީ 5.2 އިންސައްތައަށް އިތުރުވެފައެވެ.
އެގޮތުން އޯޓީއެމް 2017 ފެއަރ ނިމިގެންދާއިރު އިންޑިޔާއިން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވެގެންދާނެ ކަމަށް މޯލްޑިވްސް މާރކެޓިން އެންޑް ޕަބްލިކް ރިލޭޝަންސްއިން މައުލޫމާތުދެ އެވެ.
