ފުވައްމުލަކު ކޯޓުގެ މެޖިސްޓްރޭޓް މުލްހާ 2 މަހަށް ސަސްޕެންޑް
6 ޖުލައި 2020 | ހޯމަ 05:10މުލްހާ ސަސްޕެންޑް ކުރުމަށް ނިންމާފައިވަނީ ޖޭއެސްސީގެ 47 ވަނަ ބައްދަލުވުމުގައި
ޖުޑިޝަލް ސާރވިސް ކޮމިޝަން
ފުވައްމުލަކު ކޯޓުގެ މެޖިސްޓްރޭޓް މުލްހާ އަލީ ސަސްޕެންޑް ކޮށްފިއެވެ.
މުލްހާ ދެމަސްދުވަހަށް ސަސްޕެންޑް ކުރުމަށް ނިންމާފައިވަނީ ޖުޑިޝަލް ސާރވިސް ކޮމިޝަންގެ މިއަހަރު 47 ވަނަ ބައްދަލުވުމުގައެވެ.
އާދިއްތަ ދުވަހު ޖޭއެސްސީން ނެރެފައިވާ ބަޔާނެއްގައި ވަނީ މުލްހާ ސަސްޕެންޑް ކޮށްފައިވަނީ އެކޮމިޝަނުން ބަލަމުންދާ މައްސަލަތަކުގެ ބާވަތަށާއި، އެ މައްސަލަތަކާއި ގުޅޭގޮތުން ހުށަހެޅިފައިވާ ހެއްކަށާއި، އެމައްސަލަތައް ތަހުޤީގު ކުރާއިރު މުލްހާ މެޖިސްޓްރޭޓްކަމުގެ މަސައްކަތުގައި ދެމިހުރެއްޖެނަމަ މައްސަލަތައް ތަހުޤީގު ކުރުމަށް އެޅިދާނެ ހުރަހަށާއި ޝަރުޢީ ދާއިރާގެ އިތުބާރު ނެގެހެއްޓުމުގެ އަސާސްގެ މައްޗަށް ބިނާކޮށް ޤާނޫނު ނަމްބަރު 2010/10 (ޖުޑިޝަލް ސާރވިސް ކޮމިޝަންގެ ޤާނޫނު) ގެ 25 ވަނަ މާއްދާގެ (ތ)އަދި (ލ)އާ ހަވާލާދީއެވެ.
މިހާރު ހިނގަމުންދާ 19 ވަނަ ރައްޔިތުންގެ މަޖިލިސް އެކުލަވާލުމާއެކު، ޖޭއެސްސީގެ ގާނޫނަށް ބޮޑެތި ބަދަލުތަކެއް ގެނެސް، ޖުޑީޝަރީ އިސްލާހު ކުރުމުގެ މަސައްކަތް ސަރުކާރުންނާއި ރައްޔިތުންގެ މަޖިލީހާއެކު ޖޭއެސްސީން ހަރުދަނާ މަސައްކަތްތަކެއް ދަނީ ކުރަމުންނެވެ.
