ބީއެޗްއެމްއިން އޮންލައިންކޮށް ވިޔަފާރި ކުރެވޭ ގޮތް ހަދައިފި
ކުންފުނީގެ ވެބްސައިޓް މެދުވެރިކޮށް ވިޔަފާރި ކުރަން ޖެހޭ
ބީއެޗްއެމް ޓްރޭޑާސް ރާއްޖޭގައި ފުޅާ ދާއިރާއެއްގައި ހޯލްސޭލްގެ ޚިދުމަތް ދެމުން އަންނަ ކުންފުންޏެއް
ބީއެޗްއެމް ޓްރޭޑާސް އިން އޮންލައިންކޮށް ވިޔަފާރި ކުރެވޭ ގޮތް ހަދައިފިއެވެ.
ބީއެޗްއެމް ޓްރޭޑާސް ރާއްޖޭގައި ފުޅާ ދާއިރާއެއްގައި ހޯލްސޭލްގެ ޚިދުމަތް ދެމުން އަންނަ ކުންފުންޏެކެވެ.
ބީއެމްއެޗުން މައުލޫމާތުދޭ ގޮތުގައި މިހާރު އޮންލައިންކޮށް ޚިދުމަތް ހޯދޭނެ ކަމަށާއި، ކުންފުނީގެ ވެބްސައިޓް store.bhmtraders.com މެދުވެރިކޮށް ވެސް ވިޔަފާރި ކުރެވޭނެ ކަމަށެވެ. އަދި ރަށުގައި ތިބެގެން ވެސް އޯޑަރު ދެވޭނެ ކަމަށް އެކުންފުނިން ބުނެއެވެ. ނަމަވެސް ނޯތު ހާބަރަށް ޑެލިވަރީ ކުރަން ޖެހޭ މުދަލުން ދުވާލެއްގެ މައްޗަށް ނަގާ އޯޑަރުތައް ވަނީ ލިމިޓް ކޮށްފައެވެ.
އޮންލައިން މިޚިދުމަތާއެކު ގިނަ ކަސްޓަމަރުންނަށް ފަސޭހަތަކެއް ލިބިގެންދާނެ ކަމަށް ބީއެމްއެޗުން ބުނެއެވެ. އެގޮތުން އޮންލައިންކޮށް ވިޔަފާރި ކުރުމަށް ވެބްސައިޓުގައި ރަޖިސްޓްރީވާން ޖެހެއެވެ. އަދި ގަންނަން ބޭނުންވާ އެއްޗެހި ގަތުމަށް ފަހު އޮންލައިންކޮށް ފައިސާ ދެއްކޭނެއެވެ. ފައިސާ ދެއްކުމުން ޑެލިވަރީގެ ޚިދުމަތްދޭނެ ކަމަށް އެކުންފުނިން ބުނެއެވެ.
ބީއެމްއެޗްގެ ވެބްސައިޓުން ހުކުރު ދުވަސް ފިޔަވައި ކޮންމެ ދުވަހެއްގެ ހެނދުނު 10:00 ން ފެށިގެން އޯޑަރު ކުރެވޭނެއެވެ.
