ކ. މާލެ
|
17 މާރޗް 2017 | ހުކުރު 17:51
ޓްރާންސް މޯލްޑިވިއަންގެ ސީޕްލޭންއެއް
ޓްރާންސް މޯލްޑިވިއަންގެ ސީޕްލޭންއެއް
ގޫގުލް
ޓްރާންސް މޯލްޑިވިއަން
ޗައިނާގެ ޒޮންޝެންއިން ރާއްޖޭގެ ސީޕްލޭންގެ ވިޔަފާރިއަށް ޝައުގުވެރިކަން ފާޅުކޮށްފި
 
ޒޮންޝެންއަކީ ހާބަރ އެއަރ ސީޕްލޭންސްގެ %49 ހިއްސާ އޮންނަ ކުންފުންޏެއް

ޗައިނާގެ ޒޮންޝެން އިންޑަސްޓްރިއަލް ގުރޫޕު (ޒިގް) އިން ރާއްޖޭ އާއި އެމެރިކާގައި ސީޕްލޭންގެ ޙިދުމަތް ދޭ ކުންފުނިތަކުގެ ޝެއަރ ގަތުމުގެ ޝައުގުވެރިކަން ފާޅުކޮށްފި އެވެ.

 

ޒޮންޝެންއަކީ މިހާރުވެސް ކެނެޑާގެ ހާބަރ އެއަރ ސީޕްލޭންސްގެ 49 އިންސައްތަ ހިއްސާ އޮންނަ ކުންފުންޏެކެވެ.

 

ޗައިނާގެ ނިއުސް އެޖެންސީއެއް ކަމަށްވާ ޒިންހުއާއެއް އަށް ދެއްވި އިންޓަވިއުއެއްގައި ޒޮންޝެންގެ ޗެއަރމަން ޒުއޯ ޒޮންޝެން ވިދާޅުވެފައިވަނީ އެކުންފުނިން މަސައްކަތް ކުރަމުންދަނީ ދުނިޔޭގައި އޮތް އެންމެ ބޮޑު ސީޕްލޭންގެ ޚިދުމަތްދޭ ކުންފުންޏަކަށް ވުމަށް ކަމަށާއި އެގޮތުން ރާއްޖޭގައި ސީޕްލޭންގެ ޚިދުމަތްދޭ އެންމެ ބޮޑު އޮޕަރޭޓަރ ކަމަށްވާ ޓްރާންސް މޯލްޑިވިއަންއާއި އެކު މަޝްވަރާ ކުރަމުން އަންނަ ކަމަށެވެ.

 

އެކުންފުނި ހިންގަން ކުރަމުންދާ މަސައްކަތުގެ ދަށުން މިއަހަރުގެ ތެރޭގައިވެސް 10 ބިލިއަން ޔުއާން ހަރަދު ކުރުމަށް މަސައްކަތް ކުރަމުންދާ ކަމަށެވެ.

 

ޓްރާސް މޯލްޑިވިއަން އިން ދަނީ 43 ސީޕްލޭންއާއި އެކު ރާއްޖޭގައި އެންމެ ފުޅާދާއިރާއެއްގައި ސީޕްލޭންގެ ޙިދުމަތްދެމުންނެއެވެ. ޓްރާސްމޯލްޑިވިއަންއަކީ އެމެރިކާގެ ކުންފުންޏެއް ކަމަށްވާ ބްލެކް ސްޓޯންއިން 2013 ވަނަ އަހަރުން ފެށިގެން ހިންގަމުން އަންނަ ކުންފުންޏެކެވެ.

ޒުއޯ ހާމަކުރި ގޮތުގައި އެމެރިކާގެ ސީޕްލޭން ޙިދުމަތްދޭ ކެންމޯއާއި އެކުވެސް މަޝްވަރާތައް ދަނީ ކުރިއަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް