ޔުއޭއީގެ ފައިސާގެ ހުރުމަތް ކަނޑާލި ޒުވާނަކު ދުބާއީ ފުލުހުން ހައްޔަރު ކޮށްފި
ފައިސާ އަށް އިހާނެތިވާ ގޮތަށް ކަންތައް ކުރުމަކީ ކުށެއް
ޔޫއޭއީގެ ފައިސާ އަށް އިހާނެތިކޮށް ހިތި ޒުވާނާ
ޔުނައިޓެޑް އަރަބް އެމިރޭޓްސް (ޔޫއޭއީ) ގެ ޤައުމީ ފައިސާ އަށް ހަޖޫ ޖަހާ، އޭގެ ހުރުމަތް ކަނޑާލި ޒުވާނަކު ދުބާއީ ފުލުހުން ހައްޔަރު ކޮށްފި އެވެ.
އެޤައުމުގެ މީޑިއާތަކުން ރިޕޯޓުކޮށްފައިވާ ގޮތުގައި އެ ޒުވާނާ ހައްޔަރު ކުރީ، އޭނާގެ ޓިކްޓޮކް އެކައުންތަސް ޕޯސްޓު ކުރި ވީޑިއޯގައި ކިނބިހި އަަޅަން ޔޫއޭއީގެ ފައިސާ ބޭނުންކޮށްފައި ވާތީއެވެ. 20،000 އަށް ވުރެ ގިނަ ފޮލޯވަރުން އެޒުވާނާ އަށް ޓިކްޓޮކްގައި ފްލޯ ކުރެެއެވެ.
ދުބާއިގެ ސައިބަރ ކްރައިމް ޤާނޫނުނުގައި، އެ ޤައުމަށް ނުވަތަ އެ ޤައުމު ރަމްޒުކޮށްދޭ އެއްވެސް ނިޝާނަށް އިހާނެތިކޮށް ހިތާ އޭގެ ހުރުމަތް ކެނޑޭ ފަދަ ޢަމަލެއް ހިންގި މީހަކަށް އެއް މިލިއަން ދިރްހަމުން ޖޫރިމަނާކޮށް ޖަލަށް ޙުކުމް ކުރަން ކަނޑައަޅާފައި ވެއެވެ.
ފުލުހުން ވަނީ އޭނާގެ ފޮޓޯ ޝޯޝަލް މީޑިއާ ގައި ހިއްސާކޮށްފަ އެވެ. ދުބާއީ ފުލުހުން ވަނީ އެޤައުމުގެ ޤާނޫނީ ހުދޫދުގެ ތެރެއިން އެންމެ ހަރުކަށި އަދަބު މި ޒުވާނާއަށް ދިނުމަށް ގޮވާލާފައެވެ. އަދި އޭނާ މިހާރު ވަނީ ތަންފީޒީ އިދާރާއާއި ޙަވާލުކޮށްފަ އެވެ.
