ތެއްލި ކުޅިމަސް

ބޭނުންވާތަކެތި‪:

1. 500 ގްރާމް ކަނޑުމަސް

2. ބޮޑު އެއް ފިޔާ ( ދިގުކޮށް ތުނިކޮށް ކޮށާފައި)

3. އެއް ސައިސަމުސާ ލޮނުމެދު (ޕޭސްޓް)

4. އެއް ގިތެޔޮ މިރުސް

5. ދެ ހިކަނދިފަތް

6. ދެ ދަޅު ޓޮމާޓޯ ޕޭސްޓް

7. އެއް ސައިސަމުސާ ތެޅި މިރުސް

8. ކުޑަ ސަމުސަލެއްގެ ބައިސަމުސާ އޮރިގާނޯ

9. ކުޑަ ސަމުސަލެއްގެ ބައިސަމުސާ ރޯސްމެރީ

10. ކުޑަ ސަމުސަލެއްގެ ބައިސަމުސާ ބާސިލް

11. އެއް ސައިސަމުސާ ސޯޔާސޯސް

12. އެއް ސައިސަމުސާ އޮއިސްޓަރ ސޯސް

13. އެއް ސައިސަމުސާ އަސޭމިރުސް

14. ލޮނު (ރަހަލާވަރަށް)

15. ތެޔޮ

ތައްޔާރުކުރާނެ ގޮތް:

ފުރަތަމަ މަސް ކިއުބްކޮށް ކޮށާލާށެވެ. މަސްކޮޅު ކޮށާ ނިމުމުން އަސޭމިރުސް، ލޮނު، ސޯޔާ ސޯސް އެޅުމަށްފަހު ބްރައުން ވަންދެން ތެލުލާށެވެ. ތެލުލާ ނިމުމުން ފިޔާ، ލޮނުމެދު ޕޭސްޓް، ހިކަނދިފަތް، މިރުސް އެޅުމަށްފަހު ހަނާކޮށްލާށެވެ. ފިޔާތައް ވަޅޯވުމުން، ޓޮމާޓޯ ޕޭސްޓް، ސޯޔާސޯސް، އޮއިސްޓަރ ސޯސް، ލޮނު އެޅުމަށްފަހު 3 މިނިޓްވަރު ކައްކާލާށެވެ. އެއަށްފަހު ތެލުލި މަސްކޮޅު އަޅާލުމަށްފަހު ރަނގަޅަށް އެއްކޮށްލާށެވެ. ދެން އޭގެ ތެރެއަށް އޮރިގާނޯ، ރޯސްމެރީ، ބާސިލް އެޅުމަށްފަހު އެއްކޮށްލާށެވެ. މިގޮތަށް 15 މިނިޓް ބެހެއްޓުމަށްފަހު އުނދުންމަތިން ބާލާށެވެ.

ނޯޓް:މި ކުޅިމަސް ހަދާނިމޭއިރު ހުންނާނީ ވަރަށް ހިކިކޮށެވެ. ރޮއްޓާ ޖަހައިގެން އަދި ބަތާ އެކުވެސް ކާލަން ވަރަށް މީރުވާނެއެވެ.