ސްޓްރޯބެރީ ބްރައުނީސް

ބޭނުންވާ ތަކެތި

• 1 ފޮށި ސްޓްރޯބެރީ ކޭކް މިކްސް
• 1/2 ބަޓަރު، ވިރުވާފައި
• 2 ބިސް
• 2 ސަމުސާ ވެނިލާ އެސެންސް
• 3 ސްޓްރޯބެރީ، (ކުދިކޮށް ކޮށާފައި)
• 1/2 1 ޖޯޑު ހަކުރު، ނުވަތަ ބޭނުންވާ މިންވަރަށް
• 1/4 ސަމުސާ ލޮނު

ތައްޔާރު ކުރާނެ ގޮތް

އެންމެ ފުރަތަމަ އަވަން 350 ޑިގްރީ ފެރެންހައިޓް، 180 ޑިގްރީ ސެލްސިއަސް އަށް ހޫނުކޮށްލާށެވެ. ދެން ބޭކިންގ ޓްރޭގައި ތެޔޮފޮދެއް ހާކާފައި ބަހައްޓާށެވެ.

ކޭކް މިކްސް، ވިރުވާފައިވާ ބަޓަރު، ބިސް، އަދި 1 ސަމުސާ ވެނިލާ އެސެންސް ތަށްޓެއްގައި ރަނގަޅަށް އެއްކޮށްލާށެވެ. ދެން ތައްޔާރުކޮށްފައިވާ ބޭކިންގ ޓްރޭ ގައި މިކްސްޗަރ އެއްވަރަކަށް އަޅާލާށެވެ.

ހޫނުކޮށްފައިވާ އަވަނުގައި 16 ނުވަތަ 18 މިނެޓަށް، ބޭކް ކޮށްލުމަށްފަހު، ބްރައުނީސް ޓްރޭގައި 20 މިނެޓު ވަރު ފިނިވާން ދޫކޮށްލާށެވެ.

އެއަށްފަހު، ސްޓްރޯބެރީ އާއި ބާކީ ހުރި ސަމުސާ ވެނިލާ އެސެންސް ފުޑް ޕްރޮސެސަރެއްގައި ނުވަތަ ބްލެންޑަރއަކުން ބްލެންޑްކޮށްލާށެވެ.

ސްޓްރޯބެރީ މިކްސްޗަރ ހަކުރާއެކު އޮމާންވަންދެން އެއްކޮށްލާށެވެ. ބޭނުންވެއްޖެނަމަ އިތުރަށް ހަކުރު އެޅިދާނެއެވެ. ދެން ލޮނު އަޅާފައި އަނެއްކާވެސް އެއްކޮށްލާށެވެ.

ސްޓްރޯބެރީ ގްލޭޒް، ފިނިވެފައިވާ ބްރައުނީސްގެ މަތީގައި އެއްވަރަކަށް އުނގުޅާ އަދި މުޅިން ފިނިވަންދެން ބަހައްޓާށެވެ. ދެން ކިއުބްކޮށް ކަފާލުމަށްފަހު، ބޭނުންކުރަންދެން ފްރިޖުގައި ބަހައްޓާށެވެ.