ސޮސެޖް ޕޮޓޭޓޯ ކެސެރޯލް

ބޭނުންވާ ތަކެތި

• 3 ބޮޑު އަލުވި، 1/8 އިންޗި ބޯމިނަށް ފޮތިކޮށް ކޮށާފައި
• 1 ޕެކެޓް ސޮސެޖް
• 1/2 ޖޯޑު ފިޔާ (ކިއުބްކޮށް ކޮށާފައި)
• 1/2 ޖޯޑު ރެޑް ބެލް ޕެޕަރ
• 1 ދަޅު ކްރީމް އޮފް މަޝްރޫމް ސޫޕް
• 3/4 ޖޯޑު ކިރު
• 2 ޖޯޑު ގާނާފައިވާ ޗީޒް
• 1/2 ސައިސަމުސާ އަސޭމިރުސް
• ޗައިވްސް

ތައްޔާރު ކުރާނެ ގޮތް

ފުރަތަމަ އަވަން 350 ޑިގްރީ ފެރެންހައިޓް، 175 ޑިގްރީ ސެލްސިއަސް އަށް ހޫނުކޮށްލާށެވެ. ބޭކިން ޓްރޭއެއްގައި ތެޔޮ ހާކާފައި ބަހައްޓާށެވެ.

ދެން ފޮތިކޮށްފައިވާ އަލުވި ބޮޑު ސޯސްޕޭނެއްގައި ލޮނުކޮޅެއް އަޅާފައި 5 މިނިޓް ކައްކާލާށެވެ. ސޮސެޖް މިކްސްޗަ ތައްޔާރުކުރުމަށް ފްރައިޕޭނެއްގައި ސޮސޭޖް ކުދިކޮށް ކޮށާލާފައި ރޯފިލަންދެން މަޑު ގިނީގައި ފްރައިކޮށްލާށެވެ. ދެން އޭގެ ތެރެއަށް ފިޔާ، ބެލްޕެޕަރ އިތުރުކޮށްލުމަށްފަހު، ގާތްގަނޑަކަށް 3 މިނެޓު ނުވަތަ މަޑުވާން ފަށަންދެން ކައްކާލުމަށްފަހު، ސޮސެޖް މިކްސްޗަރ އެއްފަރާތުގައި ބަހައްޓާށެވެ.

ބޯ ތައްޓެއްގައި ސޫޕް އަދި ކިރު އެއްކޮށް އަޅާލުމަށްފަހު، 3/4 ޖޯޑު ޗީޒް އަދި އަސޭމިރުސް އެއަށް އަޅާލާށެވެ. ދެން ކުރިން ތައްޔާރުކޮށްފައިވާ ބޭކިން ޓްރޭގައި، އަލުވި މިކްސްޗަރގެ ދެބައިކުޅަ އެއްބައި، ސޫޕް މިކްސްޗަރ، އަދި ސޮސެޖް މިކްސްޗަރ ލޭޔަރެއް ހެން އަޅާލާށެވެ. ދެން އަނެއްކާވެސް އެގޮތަށް ރިޕީޓް ކޮށްލާށެވެ. އެއަށްފަހު، މަތި ބަންދުކޮށްގެން އަލުވި މަޑުވަންދެން، 45 ނުވަތަ 50 މިނެޓަށް ބޭކްކޮށްލާށެވެ. ބާކީ އޮތް 1 1/4 ޖޯޑު ޗީޒް މައްޗަށް އަޅާލާށެވެ. ދެން މަތި ނަގާގާލުމަށްފަހު، ޗީޒް ވިރެންދެން، 10 މިނެޓަށް ބޭކްކޮށްލާށެވެ.

ކެއުމުގެ ކުރިން 15 މިނެޓު ބެހެއްޓުމަށްފަހު ޗައިވްސް އިން ގާނިޝް ކޮށްލާށެވެ.