ކްރީމް ޗީޒް އެންޑް ޕީނަޓް ބަޓަރ ސްޓްރޯބެރީ ސޭންޑްވިޗް

ބޭނުންވާ ތަކެތި

• 2 މޭޒުމަތީ ސަމުސާ ކްރީމް ޗީޒް
• 1 ސަމުސާ ސްޓްރޯބެރީ ޖޭމް
• 1 މޭޒުމަތީ ސަމުސާ ޕީނަޓް ބަޓަރު
• 3 ސްޓްރޯބެރީ، ތުނިކޮށް ކޮށާފައި
• 2 ފޮތި ބްރެޑް (ބޭނުން ވައްތަރެއްގެ ބްރެޑް ބޭނުން ކުރެވިދާނެ)

ތައްޔާރު ކުރާނެ ގޮތް

އެންމެ ފުރަތަމަ ކްރީމް ޗީޒް، ސްޓްރޯބެރީ ޖޭމް ކުޑަ ތަށްޓެއްގައި ރަނގަޅަށް އެއްކޮށްލާށެވެ.

ދެން ޕާން ފޮތީގެ އެއް ފަޅީގައި ޕީނަޓް ބަޓަރު އުނގުޅާލުމަށްފަހު، އަނެއް ފަޅީގައި ކްރީމް ޗީޒް މިކްސްޗަރ އުނގުޅާށެވެ.

މިގޮތަށް އެއްކުރާށެވެ. ޕީނަޓް ބަޓަރު އުނގުޅާފައިވާ ފަޅި ތިރީގައި ބަހައްޓާށެވެ، އޭގެ މަތީގައި ކަފާލާފައިވާ ސްޓްރޯބެރީ އަތުރާ، އަދި ކްރީމް ޗީޒް އުނގުޅާފައިވާ ފަޅި މަތީގައި ބަހައްޓައިގެން ސޭންޑްވިޗެއް ގޮތަށް ހަދާލާށެވެ. ދެބައިކޮށްލުމަށްފަހު ސަރވްކުރާށެވެ.