106 އަހަރުގެ ސްޕެއިން އަންހެނެއް ކޮވިޑް-19 އިން ސަލާމަތްވެއްޖެ
25 އެޕްރީލު 2020 | ހޮނިހިރު 16:47މި އަންހެން މީހާއަށް ސްޕެނިޝް ފުލޫ ޖެހިފައިވޭ
އާނާ ޑެލް ވަލޭ، އޭނާއަށް މާމަ ކިޔާ ދަރިންނާއެކު
106 އަހަރު ސްޕެއިން އަންހެނަކު, ކޮވިޑް-19 އިން ސަލާމަތްވެއްޖެ އެވެ.
އާނާ ޑެލް ވަލޭ ނަމަކަށް މި އަންހެން މީހާއަކީ ސްޕެއިން އިން ކޮވިޑް-19 އަށް ޕޮޒިޓިވްވި މީހުންގެ ތެރެއިން ސަލާމަތްވި އެންމެ ދުވަސްވި މީހާ އެވެ. އާނާ ދުނިޔެއަށް އުފަންވެފައިވަނީ އޮކްޓޫބަރު މަހުގެ 1913 ވަނަ އަހަރުގައެވެ.
ސްޕެނިޝް ފުލޫ އަކީ 1918 އިން 1920 ވަނަ އަހަރާ ހަމައަށް ދުނިޔޭގައި ހަލުހި ކަމާއެކު ފަތުރި ފައްސަތޭކަ މިލިއަނެއްހާ މީހުންނަށް ޖެހުނު ނުރައްކާތެރި ބައްޔެކެވެ. އަދި އާނާއަށް 1918 ވަނަ އަހަރު ސްޕެނިޝް ފުލޫ ޖެހި، ބަލިން ސަލާމަތްވިއިރު އޭނާއަކީ ކުޑަ ކުއްޖެކެވެ.
މީޑިއާ ރިޕޯޓުތަކުން ބުނާގޮތުން އޭނާ ދިރިއުޅެމުން އައީ ނާސިން ހޯމެއްގައި އިތުރު 60 މީހުންނާއެކުއެވެ. އަދި ކޮވިޑް-19 އަށް އޭނާ ޕޮޒިޓިވްވީ ވެސް މިނާސިން ހޯލްގެ ތެރެއިން ކަމަށް ރިޕޯޓުކޮށްފައިވެއެވެ.
ކޮވިޑް-19ގެ ފަރުވާއަށްފަހު އާނާ ހޮސްޕިޓަލުން ދޫކޮށްލީ މީގެ ދެތިން ދުވަސް ކުރިންނެއެވެ. އަދި އިތުރަށް އޭނާ ސިއްހަތަށް ބަލައިގެން ސަމާލުވެ އުޅުމަށް ޑޮކްޓަރުން އިލްތިމާސްކޮށްފައިވެއެވެ.
