އިސްލާމީ ދުނިޔޭގެ މިއަހަރުގެ ޝަޚުސިއްޔަތު – ސަލްމާން ރަސްގެފާނު
އިނާމެއްގެ ގޮތުގައި އެއް މިލިއަން ދިރުހަމް ކަނޑައެޅިފައިވޭ
ރާއްޖެ އެމްވީ | 3 ޖޫން 2017 | ހޮނިހިރު 00:05
ކިންގް ސަލްމާން ބިން އަބްދުލް އަޒީޒް
ޑުބާއީން ހޮވާ އިސްލާމިކް ޕާސަނަލިޓީ އޮފް ދަ އިޔަރ ގެ މަގާމަށް ސައުދީ ރަސްގެފާނު ސަލްމާން ބިން އަބްދުލް އަޒީޒު ހޮވައިފިކަން އިއުލާން ކޮށްފިއެވެ.
ޚަލީޖް ޓައިމްސް އިން ބުނެފައިވާ ގޮތުގައި ރަސްގެފާނު އެ މަގާމަށް ހޮވިކަން އިއުލާން ކުރީ ޑުބާއީ އިންޓަނޭޝަނަލް ހޯލީ ގުރުއާން އެވާރޑްގެ އިންތިޒާމް ކޮމިޓީންނެވެ.
މިއީ މި އިނާމު ލިބޭ 21 ވަނަ ފަރާތެވެ.
އިނާމެއްގެ ގޮތުން އެއް މިލިއަން ދިރުހަމް ކަނޑައެޅިފައިވާ މި އެވޯޑަކީ ކީރިތި ގުރުއާނަށް ޚިދުމަތް ކުރުމުގައި އެންމެ ފާހަގަ ކުރެވޭ ފަރާތަކަށް ނުވަތަ މުއައްސަސާއަކަށް ކޮންމެ އަހަރަކު އެއްފަހަރު ދޭ އެވޯޑެކެވެ.
