ޕާކިސްތާންގެ ބޮޑުވަޒީރު ކޮވިޑް-19އަށް ނެގެޓިވް
22 އެޕްރީލު 2020 | ބުދަ 14:18އިމްރާން ޓެސްޓު ހެއްދެވީ ޕޮޒިޓިވްވި ބަޔަކާ ދިމާވެފައިވާތީ
ޕާކިސްތާނުގެ ބޮޑުވަޒީރު އިމްރާން ޚާން
ޕާކިސްތާނުގެ ބޮޑުވަޒީރު އިމްރާން ޚާން ކޮވިޑް-19 އަށް ނެގެޓިވް ވެއްޖެ ކަމަށް ރިޕޯޓުތަކުން ބުނެފިއެވެ.
ހިންދުސްތާން ޓައިމްސްއިން ބުނީ ޕާކިސްތާނުގެ ބޮޑު ވަޒީރު އިމްރާންޚާން ސިވިލް ސޮސައިޓީ އެއް ކަމުގައިވާ 'އެދި ފައުންޑޭޝަން" ގެ ބަކަޔާ ބައްދަލު ކުރެއްވި ކަމަށާއި، އެގުރޫޕްގައި ހިމެނޭ ބަޔަކު ޕޮޒިޓިވްފައިވާ ކަމަށެވެ.
މީގެ ހަ ދުވަސް ކުރިން "އެދި ފައުންޑޭޝަން"ގެ ރައީސް ފައިސަލް އެދިއާ އިމްރާންޚާން ބައްދަލު ކުރައްވާފައިވެއެވެ. ފައިސަލް ވެސް ކޮވިޑް-19އަށް ޕޮޒިޓިވްވެފައިވާ ކަމަށް ހިންދުސްތާން ޓައިމްސް ބުނެއެވެ.
އެހެންކަމުން އަންގާރަ ދުވަހު ވަނީ، އިމްރާންގެ ސާންޕަލް ނަގާ ޓެސްޓު ކޮށްފައެވެ.
އިމްރާން ޓެސްޓު ހެދުމަށް ނިންމީ ޕާކިސްތާނުގައި ހަދާފައިވާ ކޮވިޑް-19 އާ ގުޅިގެން އަމަލު ކުރާ ސްޓެންޑާޑް އޮޕަރޭޝަން ޕްރޮސީޖަރ (އެސް.އޯ.ޕީ) ގެ ދަށުންނެވެ. މި އެސްއޯޕީގައިވާ ގޮތުން ޕޮޒިޓިވް ކޭސްއަކާ ދިމާވާ އެންމެން ޓެސްޓު ކުރަން ޖެހޭނެއެވެ.
