ރޯދަ މަހު ގޭގައި ނަމާދު ކުރުމަށް އިލްމްވެރިން އިލްތިމާސް ކޮށްފި

ކޮރޯނާވައިރަސް އިން ރައްކާތެރިވުމުގެ ގޮތުން ކާފިއު ނުވަތަ ލޮކްޑައުންގެ ހާލަތު އިއުލާން ކޮށްފައިވާ ގައުމުތަކައި ދިރިއުޅޭ މުސްލިމުން، ރަމަޟާން މަހު ގޭގައި ނަމާދު ކުރުމަށް ކައުންސިލް އޮފް ސީނިއަރ ސްކޯލާޒް އިން މުސްލިމުންނަށް އިލްތިމާސް ކޮށްފި ކަމަށް ސައުދީ ޕްރެސް އޭޖެންސީން އާދިއްތަ ދުވަހު ހާމަ ކޮށްފިއެވެ.

ކައުންސިލުން ގޮވާލާފައިވަނީ މުސްލިމުން އަޅުކަމުގައި ޝާމިލްވުމަށާއި އެހެން ނަމަވެސް އެހެން މީހަކަށް ގެއްލުމެއް ލިބިދާނެ ކަމަކުން ދުރުހެލިވެ ތިބުމަށެވެ.

ރޯދަ ވީއްލުމަށާއި ހާރު ކެއުމަށް ޖަމާއަތް ނުހެދުމަށްވެސް އިސް އިލްމްވެރިންވަނީ މުސްލިމުންނަށް ގޮވާލާފައެވެ.