އދ. މަހިބަދޫ ބަނދަރުގައި އަޅާފައި އޮތް އުޅަނދުތަކެއްގައި އަލިފާން ރޯވެއްޖެއެވެ.
މޯލްޑިވްސް ނެޝެނަލް ޑިފެންސް ފޯސް (އެމްއެންޑީއެފް) އިން ބުނީ އެ ރަށުގެ ބަނދަރުގައި އޮތް އުޅަނދުތަކެއްގައި އަލިފާން ރޯވެގެން ފަޔަރ ޓީމް މިހާރު ހަރަކާތްތެރިވަމުންދާ ކަމަށެވެ. އަދި މި ހާދިސާގެ ރިޕޯޓް ލިބިފައިވަނީ ބުދަ ދުވަހުގެ ފަތިހު 05:45 ހާއިރު ކަމަށެވެ.
މިހާތަނަށް މި ހާދިސާގައި އެއްވެސް މީހަކަށް އަނިޔާ ލިބުނު ކަމުގެ ރިޕޯޓް ލިބިފައިނުވާއިރު އެ ސަރަހައްދުގައި އެ ރަށު ފުލުހުން ވެސް ހަރަކާތްތެރިވަމުން އަންނަ ކަމަށް އެމްއެންޑީއެފް އިން މައުލޫމާތުދެއެވެ.
