އޮޕަރޭޝަންތައް ހުއްޓާނުލާ ކުރިޔަށްގެންދާނެކަމުގެ ޔަޤީންކަން ޤަތަރު އެއަރވޭއިސްއިން ދީފި

ކޮވިޑް-19 ގެ ދަތި އުނދަގޫ ތަޙައްމަލު ކުރަމުންދާ މި ދަނޑިވަޅުގައިވެސް، ޤަތަރު އެއަރވޭސްގެ އޮޕަރޭޝަން އެއްކޮށް ހުއްޓާނުލާނެކަމަށް އެ އެއަރލައިނުން ބުނެފިއެވެ.

އެއެއަރަލައިންގެ ޗީފް އެގްޒެކެޓިވް އޮފިސަރ އަކްބަރް އަލް-ބަކަރ ވިދާޅުވީ، މިހިނގާ މާރޗު މަހުގެ 29 ވަނަ ދުވަހުން ފެށިގެން، އެޕްރީލް މަހުގެ 11 ވަނަ ދުވަހުގެ ނިޔަލަށް 1،800 ފްލައިޓެއް އޮޕަރޭޓް ކުރުމަށް ނިންމާފައިވާކަމަށެވެ. އޭނާ ވިދާޅުވީ މީގެތެރެއިން ގިނަ ފްލައިޓުތައް ދަތުުރު ކުރާނީ 50 އިން ސައްތައިގެ "އޮކިއުޕެންސީ ރޭޓް" އެއްގައި ކަމަށެވެ.

އަލް-ބަކަރ ވިދާޅުވީ، އެއަރލައިނަށް މާލީ ގޮތުން ދަތި އުދަނގޫތަކާއި ކުރިމަތިވެފައިވާކަމަށާއި، ޢާންމު ޙާލަަތައް ރުޖޫޢަވުމަށް ޤަަތަރު ސަރުކާރުގެ މާލީއެހީތެރިކަން ވަރަށް ބޮޑަށް ބޭނުންވާކަމަށެވެ. އަދި އުންމީދަކީ، އެއެއަރަލައިނުގެ އޮަޕެރޭޝަން މެދުކަނޑާނުލުން ކަމުގައެވެ. އޭނާ ވިދާޅުވީ ކުންފުނީގައި މިހާރު ފައިސާހުރީ ވަރަށް ކުރު މުއްދަތަކައް އޮޕަރޭޓް ކުރެވޭ މިންވަރަކަށް ކަމަށެވެ.

އަލް- ބަކަރގެ ވާހަކައިގައި، އެ އެއަރަލައިނުގެ އެއްވެސް މުވައްޒަފަކު މިހާތަނައް ވަޒީފާއިން ވަކިކޮށްފައި ނުވާކަން ފާހަގަކުރެއްވިއެވެ. އެހެންނަމަވެސް މުވައްޒަފުން އަމިއްލަ އިޚުތިޔާރުގައި، މުސާރަ ހިނގާ ގަޮތަށާއި ނުހިނގާގޮތައް ޗުއްޓީ ނަގަމުންދާކަމަށް އޭނާ ވިދާޅުވިއެވެ.

ކޮވިޑް-19 އާއި ގުޅިގެން ދުނިޔޭގެ މައި އެއަރަލައިންތަކުން މިހާރުވަނީ އޮޕަރޭޝަންތައް ހުއްޓާލާފައެވެ. ޤަތަރ އެއަރވޭސް ހިމެނެނީ އެއްކޮށް އޮޕަރޭޝަން ހުއްޓާނުލާ އެއަރލައިންތަކުގެ ތެރޭގައެވެ.ގިނަ އެއަރ ލައިންތަކުން އޮޕަރޭޝަންތައް ހުއްޓާލީ ކޮވިދް-19 އިން ރައްކާތެރިވުމަށް ބައެއް ޤައުމުތަކުން ބޯޑަރުތައް ބަންދުކުރުމާއި، އަދި ވައިގެ ޞަރަޙައްދުތައް ބަންދުކުރުމާއި ގުޅިގެންނެވެ. ޤައުމުތަކުން ސަލާމަތާއި ރައްކާތެރިކަމަށް އަޅަމުންދާ ފިޔަވަޅުތަކުގެ ސަބަބުން ދުނިޔޭގެ އޭވިއޭޝަން ސިނާޢަތައް ވަނީ ބޮޑު ވިޔަފާރި ގެއްލުމަކާއި ކުރިމަތިލާންޖެހިފައެވެ.