ކ. މާލެ
|
20 ޖޫން 2017 | އަންގާރަ 07:57
ކޮންމެ ބަޔަކު، ކޮންމެ ބޭނުމެއްގައި ހިންގި ނަމަވެސް، ޓެރަރިޒަމް ވާނީ ޓެރަރިޒަމަށް ކަމަށް ޤަތަރުން ވަނީ ބުނެފަ
ކޮންމެ ބަޔަކު، ކޮންމެ ބޭނުމެއްގައި ހިންގި ނަމަވެސް، ޓެރަރިޒަމް ވާނީ ޓެރަރިޒަމަށް ކަމަށް ޤަތަރުން ވަނީ ބުނެފަ
ވިޒިޓްގަތަރު
ފިންސްބަރީ ގެ ހަމަލާ
ޓެރަރިޒަމް ވާނީ ޓެރަރިޒަމަށް، ފިންސްބަރީގެ ހަމަލާ ކުށްވެރިކުރަން: ޤަތަރު
 
ކޮންމެ ބަޔަކު، ކޮންމެ ބޭނުމެއްގައި ހިންގި ނަމަވެސް، ޓެރަރިޒަމް ވާނީ ޓެރަރިޒަމަށް ކަމަށް ޤަތަރުން ވަނީ ބުނެފަ

އުތުރު ލަންޑަންގެ މިސްކިތަކުން ފޭބި މީހުންނަށް އަމާޒުކޮށް އާދީއްތަ ދުވަހުގެރޭ ދިން ހަމަލާ ޤަތަރުން ކުށްވެރިކޮށްފިއެވެ.

ޤަތަރުގެ ފޮރިން މިނިސްޓްރީން ނެރުނު ނޫސް ބަޔާނެއްގައި ބުނެފައި ވަނީ، ކޮންމެ ބަޔަކު، ކޮންމެ ބޭނުމެއްގައި ހިންގި ނަމަވެސް، ޓެރަރިޒަމް ވާނީ ޓެރަރިޒަމަށް ކަމަށާއި ލަންޑަންގައި ދިން ހަމަލާ ކުށްވެރިކުރާ ކަމަށެވެ.

މީގެ އިތުރުން ޤަތަރުން ވަނީ، އިންސާނީ ކަރާމާތާއި، މިންގަނޑުތަކާއި ޚިލާފަށް، މީހުން ބިރުގަންނަވައި، އެމީހުންނަށް އަނިޔާ ދިނުމަށް ހިންގާ ކޮންމެ އަމަލަކީ ވެސް ޓެރަރިޒަމް ކަމަށާއި އެފަދަ ކޮންމެ އަމަލެއް ވެސް ޤަތަރުން ކުށްވެރިކުރާ ކަމަށް ބުނެފައެވެ.

ޤަތަރުން ބުނީ މި ދަތި ދަނޑިވަޅުގައި ޤަތަރު އޮތީ އިނގެރޭސި ސަރުކާރާ އެކު ކަމަށާއި، އަމަން އަމާން ކަމާއި މަސްލަޙަތު ދެމެހެއްޓުމަށް އިނގެރޭސި ސަރުކާރުން އަޅާފައިވާ ފިޔަވަޅުތަކަށް ތާޢީދުކުރާ ކަމަށެވެ.

ހަމަލާގައި މަރުވި މީހާ އާއި އަނިޔާވި މީހުންގެ އާއިލާތަކަށް ތައުޒިޔާ ފޮނުވައި، ޤަތަރުން ވަނީ އަނިޔާވި މީހުންނަށް އަވަސް ޝިފާއަކަށް އެދިފައެވެ.

މި ހަމަލާއާ ގުޅިގެން، އިނގިރޭސި ބޮޑުވަޒީރާ ތެރީސާ މޭ ވިދާޅުވެފައި ވަނީ، މި ހަމަލާއަކީ މި ފަހުން ދިން އެހެނިހެން ހަމަލާތަކެކޭ އެއްގޮތަށް ހިތްދަތިކަން ގެނުވި ހަމަލާއެއް ކަމަށެވެ.

އާދީއްތަ ދުވަހުގެރޭ މި ހަމަލާ ދީފައި ވަނީ، މިސްކިތުން މީހުން ފޭބި ގަޑީގައި، އެ ސަރަޙައްދުގައި އޮންނަ ހިނގާފައި އުޅޭ ސަރަހައްދަށް ބާރު ސްޕީޑުގައި ދުއްވާފާއިދިއަ ވޭނެއް ވައްދައި، މީހުން ގައިގައި ޖައްސައިގެންނެވެ. މި ހަމަލާގައި އެކަކު މަރުވެ އިތުރު 10 މީހުން ވަނީ ޒަޚަމް ވެފައެވެ.

މި ހަމަލާދިން އުމުރުން 48 އަހަރުގެ މީހާ ހައްޔަރުކޮށް، އޭނާގެ މައްސަލަ މިހާރު ދަނީ ބަލަމުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް