ޤަތަރުގެ ސަރުކަރުގެ ސޯޝަލް މީޑިއާއާއި ޚަބަރު ސައިޓްތައް ހެކްކޮށް ގަތަރުގެ އަމީރާ ބެހޭގޮތުން ދޮގު މައުލޫމާތުތައް ޕޯސްޓްކޮށް ގަލްފްގެ ހަމަނުޖެހުންތަކެއް އުފައްދަން ޔުނައިޓެޑް އަރަބް އެމިރޭޓްސްއިން މެއި މަހުގެ ފަހުކޮޅު މަސައްކަތް ކުރިކަމަށް   ބުނާ ވާހަކަ ޔޫއޭއީގެ ވަޒީރަކު ދޮގުކުރައްވައިިފިއެވެ.

ޔޫއޭއީގެ ސްޓޭޓް މިނިސްޓަރ ފޮރ ފޮރިން އެފެއަަޒް އަންވަރު ގަރްގާޝް ވިދާޅުވީ ޤަތަރުގެ ވެބްސައިޓްތައް ހެކްކުރީ ޔޫއޭއީގެ ބައިވެރިވުމާއެކު ކަމަށް އެމެރިކާގެ އިންޓެލިޖެންސް އޮފިޝަލުންނާ ހަވާލާދީ ވޮޝިންގޓަން ޕޯސްޓުން އާދީއްތަ ދުވަހު ގެނެސްދިން ރިޕޯޓަކީ "ތެދެެއް ނޫން" ކަމަށެވެ.

"ވޮޝިންގްޓަން ޕޯސްޓް ގެ ވާހަކަ އަކީ ހަމަ ދޮގެއް"ގަރްގާޝް ވިދާޅުވިއެވެ.

ވޮޝިންޓަން ޕޯސްޓްގައި ރިޕޯޓްކޮށްފައިވާ ގޮތުގައި ޤަތަރުގެ އަމީރު ޝެއިޚް ތަމީމް ބިން ހަމަދު އަލް ޘާނީ ވިދާޅުވިކަމަށް ބުނެ ދޮގު ޚަބަރެއް މެއި މަހު ޕޯސްޓްކޮށްފައިވެއެވެ. އެ ހަބަރުގައިވަނީ ޤަތަރުގެ އަމީރު, ހަމާސްއަށް ތައުރީފް ކުރައްވައި އިރާނަކީ "އިސްލާމީ ބާރެއް"ކަމަށް ވިދާޅުވި ކަމަށެވެ.

އޭގެ ރައްދެއްގެ ގޮތުން ސައުދީ އަރަބިއްޔާ ޔުނައިޓެޑް އަރަބް އެމިރޭޓްސް އަދި ބަހްރެއިނުންވަނީ ޤަތަރުން ޓެރެރިޒަމަށް ވާގިވެރިވާކަމަށް ތުހުމަތުކޮށް ޖޫން މަހުގެ 5 ވަނަ ދުވަހު އެ ގައުމާ އޮންނަ ޚާރިޖީ ގުޅުން އަދި އަދި ދަތުރުފަތުގެ ގުޅުންތައް ކަނޑާލާފައެވެ. ގަތަރުގެ މައްޗަށް ކުރާ ތުހުމަތު އެ ގައުމުން ދޮގުކުރެއެވެ.

ޤަތަރުގެ އަމީރާ ހަވާލާދީ ހެކަރުން ދޮގު މައުލޫމާތު ފަތުރާފައިވާކަމަށް ޤަތަރުންވަނީ ބުނެފައެވެ. ޤަތަރުން އެހެން ބުނި ނަމަވެސް އެކަން ގެނެސްދިނުމަށް ގަލްފްގެ އެތައް މީޑިއާތަކުންވަނީ ފަހަތަށް ޖެހިފައެވެ.

ވޮޝިންގަން ޕޯސްޓުން ބުނެފައިވަނީ އެމެރިކާގެ އިންޓެލިޖެންސް އޮފިޝަލުން ލިބިފައިވާ އާ މައުލޫމާތުތަކެއް މިދިއަ ހަފްތާގައ ދިރާސާކޮށްފައިވާއިރު އޭގެން ދައްކާގޮތުން ޔުނައިޓެޑް އަރަބް އެމިރޭޓްސްގެ ސަރުކާރުގެ އޮފިޝަލުންވަނީ ހެކް ކުރުމާބެހޭގޮތުން މެއިމަހުގެ 23 ވަނަ ދުވަހު މަޝްވަރާ ކުރައްވާފައެވެ. އެއީ އެ ހާދިސާ ހިނގުމުގެ އެއް ދުވަސް ކުރިއެވެ.

ނަމަވެސް އެކަން ކުރީ ޔޫއޭއީގެ އޮފިޝަލުންތޯ ނުވަތަ އެކަން ކުރީ ބަޔަކަށް ފައިސާ ދީގެންތޯ ސާފު ނުވާކަމަށް ވޮޝިންގޓަން ޕޯސްޓްގައިވަނީ ބުނެފައެވެ.

ވޮޝިންގޓަން ޕޯސްޓަށް މައުލޫމާތު ދެއްވި އިންޓެލިޖެންސް އޮފިޝަލްގެ މައުލޫމާތު އެ ނޫހުން ހާމަކޮށްފައެއް ނުވެއެވެ.

ޔޫއޭއީން ދޮގުކުރުން

ޔޫއޭއީން އެމެރިކާއަށް ކަނޑައަޅުއްވާފައި ހުންނަވާ މަންދޫބު ޔޫސުފް އަލް-އުތައިބާ ނެރުއްވާފައިވާ ބަޔާނެއްގައި ހެކް ކުރިކަމުގެ ތުހުމަތު ދޮގު  ކުރައްވައި ވިދާޅުވެފައިވަނީ ވޮޝިންޓަން ޕޯސްޓްގައި ވަނީ "ދޮގު" ކަމަށެވެ.

"ތެދުވާހަކައަކީ ގަތަރުގެ ކަންކަން ހުރިގޮތް.ފަންޑުކުރުން،ތާއީދުކުރުން، އަދި ތާލިބާނުން ފެށިގެން ހަމާސްއާއި ގައްޒާފީއާ ހަަމައަށް ހައްދު ފަހަނައެޅުން ފަށައިދީފި.ހަމަނުޖެހުންތައް ފެއްޓުން ދީނީ ހައްދު ފަހަނަ އެޅުމަށް ހިތްވަރުދިނުން. އަވަށްޓެރި ގައުމުތަކުގެ ހަމަޖެހުން ނަގާލުން" އުތައިބާގެ ބަޔާނުގައި ވިދާޅުވެފައިވެއެވެ.

ހެކްކުރި މައްސަލަ ތަހުގީގު ކުުރުމަށް އެފްބީއައިއިން ގަތަރާއެކު ކުރިން މަސައްކަތް ކޮށްފައިވާކަމަށްވަނީ އެނގިފައެވެ.

ވޮޝިންގޓަން ޕޯސްޓްގެ ރިޕޯޓާ ގުޅިގެން އެމެރިކާގެ ސްޓޭޓް ޑިޕާޓްމަންޓުން  ރަސްމީކޮށް އެއްޗެއް ބުނެފައެއް ނުވެއެވެ.