ކޮވިޑް-19 އާ ގުޅޭ ގޮތުން ޓްރަމްޕް ޗައިނާގެ ރައީސްއާ މަޝްވަރާ ކުރައްވައިފި

ކޮވިޑް-19 އާ ގުޅިގެން އެމެރިކާގެ ރައީސް ޑޮނަލްޑް ޓްރަމްޕް ޗައިނާގެ ރައީސް ޝީ ޖިންޕިން އާއި އެކު މަޝްވަރާ ކޮށްފިއެވެ. ހުކުރު ދުވަހު ޓްރަމްޕް ކުރައްވާފައިވާ ޓްވީޓްގައި ވަނީ މިހާރު ދުނިޔޭގެ ބޮޑު އާބާދީ އަކަށް ފެތުރިފައިވާ ކޮވިޑް-19 އާ ގުޅޭ ގޮތުން ޗައިނާގެ ރައީސްއާ މަޝްވަރާ ކުރައްވާފައިވާ ކަމަށެވެ.

ޗައިނާއިން އެންމެ ފުރަތަމަ މި ވައިރަސް ތަހައްމަލް ކޮށްފައިވާއިރު ވައިރަސް އާއި ގުޅޭ ގިނަ މައުލޫމާތު ތަކެއް ވެސް ޗައިނާ އަށް ލިބިގެންވާނެ ކަމަށް ޓްރަމްޕް ވިދާޅުވިއެވެ. އަދި މި ކަމުގައި ޗައިނާ އާ ގުޅިގެން ގާތުން މަސައްކަތް ކުރައްވާނެ ކަމަށް ޓްރަމްޕް ވަނީ ވިދާޅުވެފައެވެ.

ކޮވިޑް-19 އެންމެ ފުތަރަމަ ފެނުނު ގައުމު ކަމަށްވާ ޗައިނާއަށް ވުރެ އެމެރިކާގައި ކޮވިޑް-19 ޖެހިފައިވާ މީހުންގެ އަދަދު މިހާރު ވަނީ މައްޗަށް އަރާފައެވެ.

އެމެރިކާއިން ކޮވިޑް-19 އަށް 85،604 މީހުން ވަނީ ޕްޒިޓިވްވެފައެވެ.

އަދި މި ބަލި ޖެހިގެން މިހާތަނަށް އެމެރިކާއިން މަރުވި މީހުންގެ އަދަދު ވަނީ 1301 އަށް އަރާފައެވެ.