ކޮވިޑް-19: ވައިރަސް ޖެހުނު މީހުންގެ އަދަދު 5 ލައްކައަށްވުރެ މައްޗަށް އަރައިފި
ފާއިތުވެ ދިޔަ 24 ގަޑިއިރު މި ވައިރަސްއަށް 29,574 މީހުން އަލަށް ޕޮޒިޓިވްވި
ކޮވިޑް-19 ރެސްކިއު ޓީމެއް ޙަރަކާތްތެރިވަނީ
ހަލުވިކަމާއެކު ފެތުރެމުންދާ ކޮވިޑް-19 އަށް ޕޮޒިޓިވްވީ މީހުންގެ އަދަދު ފައްސަތޭކަ ހާހަށްވުރެ މައްޗަށް އަރައިފިއެވެ.
ކޮވިޑް-19 ގެ އެންމެ ފަހުގެ ޑޭޓާތަކައް ބަލާއިރު ދުނިޔޭގެ 201 ޤައުމަކުން503,057 މީހުން ވަނީކޮވިޑް-19 އަށް ޕޮޒިޓިވް ވެފައެވެ. ފާއިތުވެ ދިޔަ 24 ގަޑިއިރު މި ވައިރަސްއަށް 29,574 މީހުން އަލަށް ޕޮޒިޓިވްވެފައިވާއިރު، މި ވައިރަސްގައި 1,056 މީހުން ވަނީ މަރުވެފައެވެ. މިހާތަނަށް އައިއިރު ޖުމުލަ 22,334 މީހަކު މިވައިރަސްގައި މަރުވެފައިވާއިރު، ދުނިޔޭގެ އެކިކަންކޮޅުތަކުގައި އަދިވެސް 356,994 މީހުން ފަރުވާ ހޯދަމުން އެބަދެއެވެ. އަދި ފަރުވާ ދީގެން 121,214 މީހަކުވަނީ ރަނގަޅުވެގެން 121,214 ވަނީ ގެއަށް ދޫކޮށްލާފައެވެ. އެހެންނަމަވެސް، އަދިވެސް 18,171 މީހަކު ސީރިއަސް ޙާލަތުގައި ފަރުވާ ހޯދަމުންދާކަމަށް ރިޕޯޓުތައް ބުނެއެވެ.
އެންމެ ނުރައްކާ މިންވަރަށް މިހާރު ވައިރަސް ފެތުރެމުންދަނީ ވިލާތުގެ ޤައުމުތަކުގައެވެ. އޭގެ އިތުރުން އެމެރިކާއާއި އީރާނުގައިވެސް ހިފެހެއްޓުމެއް ނެތި ވައިރަސް ފެތުރެމުންދާކަމަށް ރިޕޯޓުތައް ބުނެއެވެ.
