ސައުދީގައި މިސްކިތްތަކުގައި ނަމާދު ކުރުން ހުއްޓާލައިފި

ކޮރޯނާ ވައިރަސް އަށް ހަނގުރާމަ ކުރުމުގެ ގޮތުން، މިސްކިތްތަކުގައި ފަރުޟު ފަސް ނަމާދައި ހުކުރު ނަމާދު ކުރުން ހުއްޓާލަން ސައުދީ އަރަބިއްޔާގެ ސަރުކާރުން ނިންމައިފިއެވެ.

އަންގާރަ ދުވަހު ސައުދީ އަރަބިއްޔާގެ ރަސްމީ ނޫސް އޭޖެންސީ (އެސް.ޕީ.އޭ) އިން ހާމަ ކުރި ގޮތުގައި، ކޮރޯނާ ވައިރަސް ފެތުރުން ކޮންޓްރޯލް ކުރުމުގެ ގޮތުން، ފަރުޟު ފަސްނަމާދާއި ހުކުރު ނަމާދު މިސްކިތްތަކުގައި ކުރުން ހުއްޓާލަން ސައުދީ ސަރުކާރުން ނިންމީ ސައުދީ އަރަބިއްޔާގެ ދީނީ އިލްމްވެރިންގެ އެންމެ މަތީ މަޖިލީހުން އެގޮތައް ފާސް ކުރުމާ ގުޅިގެންނެވެ.

މި ގޮތައް ސައުދީން ނިންމި ކަމުގައި ވިޔަސް މައްކާ އާއި މަދީނާގެ ހުރުމަތްތެރިވެގެންވާ ދެ މިސްކިތުގައި ނަމާދު ކުރުން ކުރިއަށް ދާނެ ކަމަށްވެސް އެސް.ޕީ.އޭ އިން ބުނެފައިވެއެވެ.