ކ. މާލެ
|
15 ފެބްރުއަރީ 2017 | ބުދަ 00:34
ވެލަންޓައިންސް ޑޭ އާ ދިމާކޮށް ވިއްކަން ހުރި ހަންތަކެއް ހިފައިގެން: ޕާކިސްތާނުގައި އެދުވަސް ފާހަގަކުރުން މަނާ
ވެލަންޓައިންސް ޑޭ އާ ދިމާކޮށް ވިއްކަން ހުރި ހަންތަކެއް ހިފައިގެން: ޕާކިސްތާނުގައި އެދުވަސް ފާހަގަކުރުން މަނާ
ގޫގުލް
ލޯބިވެރިންގެ ދުވަސް މަނާ
ލޯބިވެރިންގެ ދުވަސް ފާހަގަކުރުން މަނާކޮށް ޕާކިސްތާން ހައިކޯޓުން އަމުރެއް ނެރެފި
 
މިއީ އެކަމާ ދެކޮޅަށް ހުށަހެޅި ޕެޓިޝަނަކާ ގުޅިގެން ނިންމި ނިންމުމެއް

"ވެލަންޓައިންސް ޑޭ" (ލޯބިވެރިންގެ ދުވަސް) ފާހަގަ ކުރުން މަނާކޮށް ޕާކިސްތާނުގެ ވެރިރަށް އިސްލާމް އާބާދުގެ ހައިކޯޓުން އަމުރެއް ނެރެފިއެވެ.

ޓޭވީ ރޭޑިޔޯއާއި ނޫސްތަކުގައި މިއަމުރާ ޙަވާލާދީ ބުނެފައިވަނީ ވެލަންޓައިސް ޑޭއަށް ޚާއްޞަކޮށްގެން ތަކެތި ވިއްކުމާއި ސަރުކާރާއި އެއްވެސް އަމިއްލަ އިމާރާތެއްގައި އެދުވަސް ފާހަގަ ކުރުމަކީ މަނާކަމެއް ކަމަށެވެ.

އެކަމާ ޚިލާފްވާ ފަރާތްތައް މޮނިޓަރ ކޮށްދިނުމަށް ސަރުކާރުން ވަނީ ޕާކިސްތާންގެ އިލެކްޓްރޯނިކް މީޑިޔާ ރެގިއުލޭޓަރީ އޮތޯރިޓީ (ޕީއީއެމްއާރއޭ) ގައި އެދިފައެވެ.

ހޯމަ ދުވަހު މި އަމުރު ނެރެފައިވަނީ އެޤައުމުގެ ޢާއްމު ރައްޔިތެއް ކަމުގައިވާ ޢަބްދުލް ވަހީދު ހުށަހެޅި ޕެޓިޝަނަކަށް ފަހުގައެވެ. އޭނާގެ ޕެޓިޝަންގައި ބުނެފައިވަނީ ވެލަންޓައިންސް ޑޭ އިޝްތިހާރު ކުރުމުގެ ހަރަކާތްތަކަކީ އިސްލާމް ދީން ކިޔަވައިދިނުމަށް ހުރަސްއެޅޭ ކަމެއް ކަމަށެވެ. އެހެންކަމުން އެކަން ވަގުތުން މަނާކުރަން ޖެހޭ ކަމަށެވެ.

ފަހަކަށް އައިސް ހުޅަނގުގެ ޤައުމުތަކުން ނަކަލް ކޮށްގެން ޕާކިސްތާނުގައިވެސް އަންނަނީ ވެލަންޓައިސްޑޭ ފާހަގަ ކުރަމުންނެވެ. އެކަމާ ގުޅިގެން ދީނީ ޖަމާއަތްތަކުން ދަނީ އެކަމާ ނުރުހުން ފާޅުކޮށް ބައެއް ފަހަރު އިހުތިޖާޖްވެސް ކުރަމުންނެވެ. އަދި 2016 ވަނަ އަހަރު ޕާކިސްތާނުގެ ރައީސް މަމްނޫން ހުސައިން ވަނީ އެއީ އެދުވަސް ފާހަގަ ނުކުރުމަށާއި އެއީ މުސްލިމް ސަޤާފަތުގެ ތެރޭގައި ހިމެނޭ ކަމެއް ނޫން ކަމަށް ވިދާޅުވެފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް