އެގްޒެކެޓިވް ފުޓްސަލް ޗެލެންޖު: ޗެމްޕިއަންކަން ކަސްޓަމްސް އަށް

ސަރުކާރު އޮފީސް އަދި ކުންފުނިތަކުގެ އެގްޒެކްޓިވުންނަށް ހާއްސަކޮށްގެން އެޗްއާރް މޯލްޑިވްސްއިން ބޭއްވި އެގްޒެކެޓިވް ފުޓްސަލް ޗެލެންޖުގެ ޗެމްޕިއަންކަން މޯލްޑިވްސް ކަސްޓަމްސް ސަރވިސް ހޯދައިފި އެވެ.

ހޮނިހިރު އެފްއޭއެމްގެ މިނީޓާފް ދަނޑުގައި ކުރިއަށްގެންދިޔަ މި މުބާރާތަކީ ސަރުކާރުގެ އޮފީސްތަކާއި ކުންފުނިތަކުގެ ދޭދޭ ގުޅުން އިތުރަށް ވަރުގަދަ ކުރުމުގެ މަގުސަދުގައި އެޗްއާރް މޯލްޑިވްސް އިން އިންތިޒާމު ކުރި ހަރަކާތެކެވެ.

މި މުބާރާތުގެ ޗެމްޕިއަންކަން ކަސްޓަމްސް ހޯދީ ފައިނަލް މެޗުގައި އޮޑިޓާ ޖެނެރަލްގެ އޮފީހާ ވާދަކޮށް ޕެނަލްޓީ ޝޫޓްއައުޓްގައި 3-2 ގެ ނަތީޖާއަކުން ކުރި ހޯދައިގެންނެވެ. ޕެނަލްޓީ ޝޫޓްއައުޓަށް ގޮސްފައިވަނީ ފުރިހަމަ ވަގުތު ހަމަވިއިރު، ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވުމުންނެވެ.

މުބާރާތުގެ ފައިނަލުން ކަސްޓަމްސް ޖާގަ ހޯދީ ސެމީ ފައިނަލްގެ ފުރަތަމަ މެޗުގައި 2-1 ގެ ނަތީޖާއަކުން މިނިސްޓްރީ އޮފް ހެލްތު ބަލިކޮށްގެންނެވެ. އަދި ފައިނަލުން އޮޑިޓަރ ޖެނެރަލްގެ އޮފީސް ޖާގަ ހޯދީ ސެމީގެ ދެވަނަ މެޗުގައި 1-0 ގެ ނަތީޖާއަކުން މިނިސްޓްރީ އޮފް ހެލްތު ބަލިކޮށްގެންނެވެ.

މި މުބާރާތުގެ ފެއަރ ޕްލޭ ޓީމަކީ މިނިސްޓްރީ އޮފް ހެލްތު އެވެ.

މި ފުޓްސެލް ޗެލެންޖުގައި ސަރުކާރު އޮފީސް އަދި ކުންފުނިތަކުން 11 ޓީމަކުން ވާދަކުރިއެވެ. އެޗްއާރު މޯލްޑިވްސްގެ ފަރާތުން އިންތިޒާމުކޮށްގެން އެގްޒެކްޓިވް ލެވަލްގައި މަސައްކަތް ކުރާ ފަރާތްތަކަށް ބޭއްވި މި މުބާރާތް ހޯސްޓް ކޮށްފައިވަނީ ހިއުމަން ކެޕިޓަލް މެގަޒިންގެ ފަރާތުންނެވެ.

މިއަހަރުގެ މުބާރާތުގައި މިނިސްޓްރީ އޮފް ހެލްތު، މިނިސްޓްރީ އޮފް އެޑިއުކޭޝަން، މޯލްޑިވްސް ޕޮލިސް ސާވިސް، އެމްއެންޑީއެފް، މޯލްޑިވްސް ކަރެކްޝަނަލް ސާވިސް، މޯލްޑިވްސް ކަސްޓަމްސް، މޯލްޑިވިއަން، އެޗްޑީސީ، އޮޑިޓާ ޖެނަރަލްގެ އޮފީސް، މިނިސްޓްރީ އޮފް ފިނޭންސް އަދި އެސްޓީއޯ ވަނީ ވާދަކޮށްފައެވެ.