މެކްސިކޯ އިން ކޮރޯނާ ވައިރަސްޖެހިފައިވާ ތިން ވަނަ މީހެއް ފެނިފައިވާ ކަމަށް އެ ގައުމުން އިއުލާނުކޮށްފިއެވެ.
މީގެ ކުރިން އެގައުމުން ކޮރޯނާ އަށް ޕޮސިޓިވް ދެ މީހަކު ފެނިފައިވާއިރު އިތުރު މީހަކު ބައްޔަށް ޕޮސިޓިވް ވެފައިވާ ކަމަށް މެކްސިކޯގެ ސިއްހަތާއި ބެހޭ ވުޒާރާއާއި ހަވާލާދީ ޚަބަރުތަކުގައިވެއެވެ. އެގޮތުން އެމީހާ ނިސްބަތްވަނީ މެކްސިކޯގެ ސިނައޯލާ ސްޓޭޓުގެ ކުލިއާކަން ސިޓީއަށެވެ. ކުރިން މި ބަލިފެނިިފައިވަނީ މެކްސިކޯ ސިޓީންނެވެ.
ލެޓިން އެމެރިކާގައި ކޮރޯނާ ފެތުރިފައިވާ މިންވަރަށް ބަލާއިރު ބްރެޒިންގެ ސިއްހަތާއި ބެހޭ ވަޒީރު ވަނީ އެގައުމުން ކޮރޯނާއަށް ޕޮސިޓިވް ކޭސްއެއް ފެނިފައިވާކަން ކަޑަވަރުކޮށްދީފައެވެ. އެގޮތުން އެ މީހާއަކީ އިޓަލީއިން ބްރެޒިލްގެ ސައޮ ޕޯލޯ އަށް އައި 61 އަހަރުގެ ފިރިހެނެކެވެ.
