ސައުދީން ދޫނި ރޯގާ ފެނިއްޖެ

ސަޢުދީ ޢަރަބިޔާ އިން ދޫނިރޯގާގެ ބާވަތެއް ކަމަށްވާ H5N8 ވައިރަސް ފެނިފައިވާ ކަމަށް އެ ޤައުމުގެ މިނިސްޓްރީ އޮފް އެންވަޔަރަންމަންޓް، ވޯޓަރ އެންޑް އެގްރިކަލްޗަރ އިން ބުނެފިއެވެ.

އެ މިނިސްޓްރީން ބުނީ، އެ ވައިރަސް ފެނިފައިވަނީ ވެރިރަށް ރިޔާދުގެ ގެރިބަކަރި ގެންގުޅޭ ތަނަކުންނެވެ. އެ މިނިސްޓްރީގެ އިސް އޮފިޝަލަކު ވިދާޅުވީ، އެމަޖެންސީ ޓީމު ތަކުން ވައިރަސް ކޮންޓްރޯލް ކުރުމުގެ މަސައްކަތާއެކު، މިކަމުން ރައްކާތެރިވުމުގެ ގޮތުން އަޅަން ޖެހޭ ފިޔަވަޅުތައް އަޅަމުން އަންނަ ކަމަށެވެ. މިއީ 2018 ވަނަ އަހަރުގެ ޖުލައި މަހަށް ފަހު ސަޢުދީން H5N8 ފެނުނު ފުރަތަމަ ފަހަރެވެ.

H5N8 ވަހިރަސް އެންމެ ފުރަތަަމަ ފެނިފައިވަނީ 1983 ގައި އަޔަރލޭންޑުންނެވެ. އޭގެ ފަހުން މި ބަލީގެ ކޭސްތައް ވަނީ ފްރާންސް، ނައިޖީރިއާ އަދި ޒިމްބާބުވޭއިންނެވެ. ބަލީގެ ސަބަބުން އެތައް ލައްކައެއްހާ ކުކުޅު ވަނީ މަރުވެފައެވެ.