މިޔަންމާގެ ގެއްލުނު ފްލައިޓްގެ ބައިތަކެއް ފެނިއްޖެ

ސިފައިންގެ 100 އަށްވުރެ ގިނަ މީހުން އެމީހުންގެ އާއިލާތަކާއެކު ދަތުރުކުރަނިކޮށް ބުދަ ދުވަހު ގެއްލުނު ފްލައިޓްގެ ބައިތައް އަންޑަމަން ކަނޑުން ފެނިއްޖެކަމަށް އެ ގައުމުގެ އޮފިޝަލުންބުނެފިއެވެ.

އެއާޓްރެފިކް ކޮންޓްރޯލާ ގުޅުން ކެނޑުމާއެކު އަސްކަރީ މަތިންދާ ބޯޓާއި މަނަވަރުތައް ބޭނުންކޮށްގެން އަސްކަރިއްޔާއިން ގެންދަނީ ފްލައިޓް ހޯދުމުގެ މަސައްކަތް ކުރަމުންނެވެ.

މިޔެއިކުން ފުރައިގެން ދެކުނުގެ ސިޓީއެއްކަމަށްވާ ރަންގޫންއަށް ދަތުރުކުރަމުންދިޔަ މި ބޯޓްގައި 12 ވަރަކަށް ކުޑަކުދިންނަށްވުރެ ގިނައިން ތިބޭނެކަމަށް ވަނީ ލަފާކުރެވިފައެވެ.

“މިހާރު އެމީހުންނަށްވަނީ ޑާވެއި ސިޓީއާ 136 މޭލު ދުރުން ހަލާކުވެފައިވާ މަތިންދާ ބޯޓެއްގެ ބައިތަކެއް ފެނިފަ" މިޔެއިކްގެ ޓޫރިޒަމް އޮފިޝަލެއްކަމަށްވާ ނާއިންގ ލިން ޒޯ ވިދާޅުވިއެވެ.

ބޯޓާ ގުޅުން ކެނޑުނުކަމަށް ބުނެފައިވަނީ ޑާވެއި ޓައުންގެ ހުޅަނގުން 20 އަކަށް މޭލަށް ދަތުރުކުރުމާއެކު އެވެ.

އެއާޕޯޓް އޮފިޝަލަކު އޭއެފްޕީގައި ބުނެފައިވަނީ ބޯޓްގައި 105 ފަސިންޖަރުންނާއި 11 ކްރޫއިން ތިބިކަމަށެވެ.