އަފްޣާނިސްތާނުގައި ޖާނުންފިދާވެގެން ދިން ބޮމުގެ ދެހަމަލާއެއްގައި 20 މީހުން މަރުވެއްޖެ
ކާބުލްގައި ދިން ބޮމުގެ ހަމަލާއަށް ފަހު ސިފައިން ހަރަކާތްތެރިވަނީ
އަފްޣާނިސްތާނުގެ ވެރިރަށް ކާބުލްގައި ޖާނުން ފިދާވެގެންދިން ބޮމުގެ ހަމަލާއެއްގައި 20 އަށްވުރެ ގިނަ މީހުން މަރުވެއްޖެއެވެ. އޮފިޝަލުން ބުނާ ގޮތުގައި މިއީ ތޯލިބާނުންގެ ހަމަލާއެކެވެ.
ސެކިއުރިޓީ އޮފިޝަލަކު ބުނީ ފުރަތަމަ ބޮން ޖާނުން ފިދާވެގެން މީހަކު ގޮއްވާލިއިރު އެބޮމާއެކު ކާރު ބޮމެއް ވެސް ގޮއްވާލާފައިވާ ކަމަށެވެ.
ސީނިއަރ ހެލްތު އޮފިޝަލް ސަލީމް ރަސޮއުލީ ރޮއިޓާސް އަށް ބުނެފައިވާ ގޮތުގައި މިހަމަލާގައި މަދުވެގެން 23 މީހުން މަރުވެ 20 އަށް ވުރެ ގިނަ މީހުން ޒަޚަމް ވެފައިވާ ކަމަށެވެ.
ޚަބަރު ފަތުރާ ބައެއް އެހެން އިދާރާތަކުން ބުނެފައިވާ ގޮތުގައި 21 މީހުން މަރުވެ 45 މީހުން ވަނީ ޒަކަމް ވެފައެވެ.
ހަމަލާގެ ޒިންމާ ނަގަމުން ތޯލިބާނުން ބުނެފައިވަނީ މިހަމަލާ އަމާޒުކޮށްފައިވަނީ އަފްޣާނިސްތާނުގެ ސިއްރުފުލުހުން ގޮވައިގެން ދަތުރުކުރި ކުޑަ ބަހަކަށް ކަމަށާއި 70 މީހުން މަރުވެ ނުވަތަ ޒަޚަމް ވެފައިވާނޭ ކަމަށެވެ.
