ލޮނުޒިރާތްކޮޅު ތަރައްގީކުރުން ހުއްޓިފައި އޮތީ ކައުންސިލަރުންގެ ޒާތީ ކަންކަން އިސްކުރާތީ: މޭޔަރު ޝިފާ
11 ޖެނުއަރީ 2020 | ހޮނިހިރު 09:29ލޮނުޒިޔާރަތްކޮޅުގައި ތަރައްޤީ ކުރަމުންދާ ޕާކު ހުޅުވޭނެ ތާރީޚެއް ނޭނގޭ
މާލެ ސިޓީ ކައުންސިލްގެ މޭޔަރ ޝިފާ މުހައްމަދު
މާލޭގެ ލޮނުޒިރާތްކޮޅު ތަރައްގީ ކުރުމުގެ މަސައްކަތް ހުއްޓިފައި އޮތީ ކައުންސިލް މެމްބަރުންގެ ޒާތީ ބައެއްކަންކަން އިސްކުރާތީ ކަމަށް މޭޔަރު މާލެ ސިޓީ ކައުންސިލްގެ މޭޔަރ ޝިފާ މުހައްމަދު ވިދާޅުވެއްޖެއެވެ.
ރާއްޖެޓީވީގައި ވާހަކަދައްކަވަމުން މޭޔަރު ޝިފާ ވިދާޅުވީ މާލެ ފެހި ކުރުމަށް ފަށާފައިވާ ޕްރޮޖެކްޓްގެ ދަށުން ލޮނު ޒިޔާރަތްކޮޅު މަސައްކަތަށް މިވަގުތު ހުއްޓިފައި އޮތީ ބިޑް ކޮމެޓީގައި މެމްބަރުން އަމިއްލަ ޒާތީ ކަންކަން އިސްކުރާތީ ކަމަށެވެ.
ޒާތީ މަސްލަހަތު އިސްކުރާ ކަމަށް މޭޔަރު ޝިފާ ވިދާޅުވެފައިވާއިރު، ލޮނުޒިޔާރަތްކޮޅުގައި ތަރައްޤީ ކުރަމުންދާ ޕާކު ހުޅުވޭނެ ތާރީޚެއް ނޭނގޭ ކަމަށް މާލެ ސިޓީ ކައުންސިލުން ވަނީ ބުނެފައެވެ. ލޮނުޒިޔާރަތްކޮޅުގަ ތަރައްޤީ ކުރަމުންދާ ޕާކު ހުޅުވޭނެ 90 އިންސައްތަ މަސައްކަތް ނިމިފައިވާއިރު، އެންމެ ފުރަތަމަ މިޕާކު ހުޅުވުމަށް މަސައްކަތް ކުރީ މިދިޔަ ނޮވެންބަރު މަހުގެ 11 ވަނަ ދުވަހުއެވެ. އަދި އޭގެފަހުން އައު އަހަރާ ދިމާކޮށް ހުޅުވާނެކަމުގެ އިޝާރާތެއް ވެސް ކައުންސިލުން ދިނެއެވެ.
މަސްވެރިންގެ ޕާކަށް އަލިއަޅުއްވާލައްވާ މޭޔަރު ޝިފާ ވިދާޅުވީ ޕާކުގެ ފަހަތުގައި ބައި ހަދަންޖެހޭ ކަމަށެވެ. އެގޮތުން ދޮންވެލިލުމާއި، ރުށް އިންދުމުގެ މަސައްކަތް ކުރަން ޖެހޭ ކަމަށް މޭޔަރު ޝިފާ ވިދާޅުވިއެވެ.
