ތައިލޭންޑުގެ ވެރިރަށް ބެންކޮކްގައި ހިނގި ނުރައްކާތެރި އެކްސިޑެންޓުގައި އަނިޔާވި ދިވެހި މީހާގެ ޙާލަތު ވަރަށް ގާތުން ބަލަމުންދާ ކަމަށް ތައިލެންޑުގައި ހުންނަ ދިވެހި ރާއްޖޭގެ އެމްބަސީން ބުނެފިއެވެ.
ތައިލެންޑުގައި ހުންނަ ދިވެހި ރާއްޖޭގެ އެމްބަސީން ބުނީ ދިވެހިން ދަތުރުކުރަމުން ދިޔަ ކާރެއް އެކްސިޑެންޓްވި ޙާދިސާ ވަރަށް ގާތުން ބަލަމުން އަންނަ ކަމަށެވެ. އަދި އެކްސިޑެންޓުގައި އަނިޔާވި މީހުންގެ ޢާއިލާއާ ގުޅިގެން ކުރަންޖެހޭ ކަންކަން ކުރަމުންދާ ކަމަށެވެ. އަދި އެކްސިޑެންޓާއި ގުޅިގެން ކުރިމަތިވާ ކަންކަމުގައި ފުރިހަމަ އެއްބާރުލުންދޭ ކަމަށްވެސް އެމްބަސީން ވަނީ ބުނެއެވެ.
ޙާދިސާ ހިނގާފައިވަނީ ބެންކޮކް ގަޑިން 3:30 ހާއިރުއެވެ. ބެންކޮކް ފުލުހުން ވަނީ ކާރު ދުއްވަން އިން ޑްރައިވަރު ހައްޔަރު ކޮށްފައެވެ. ޙާދިސާ ގައި އަނިޔާވި ތިން މީހުންނަކީ، ސ. ހުޅުދޫ އަހްމަދު ސައީދު ނަމަކަށް ކިޔާ މީހަކާއި، މުހައްމަދު ސަބާހުގެ އިތުރުން ކ. މާލެ އަހުމަދު ރަޝީދުއެވެ. މި ތިން މީހުންގެ ތެރެއިން އައިސީޔޫގައި އެޑްމިޓް ކޮށް ފަރުވާދެމުންދަނީ ސ. ހުޅުދޫ ވައިޖެހޭގެެ، އުމުރުން 44 އަހަރުގެ އަޙްމަދު ސަޢީދެވެ.
ސައީދުގެ ޙާލު ސީރިއަސްވެ ޑޮކްޓަރުން އުންމީދު ކަނޑާލާފައިވާކަމަށް ރާއްޖެއެމްވީއަށް މައުލޫމާތު ލިބިފައިވެއެވެ.
