ކ. މާލެ
|
10 ޑިސެންބަރ 2019 | އަންގާރަ 13:23
ރައީސް ޞާލިޙު، ޕޯޓަލް އިފްތިތާޙު ކޮށްދެއްވަނީ
ރައީސް ޞާލިޙު، ޕޯޓަލް އިފްތިތާޙު ކޮށްދެއްވަނީ
ޔޫސުފް ސޮފްވާން ރަޝީދު
އެޗްއާރްސީއެމް
މޯލްޑިވްސް ހިއުމަން ރައިޓްސް ޕޯޓަލް އިފްތިތާޙު ކޮށްފި
 
މައުލޫމާތުތައް ފަސޭހައިން އެއްތަނަކުން ފެންނާނެ
 
ޒިންމާތައް އަދާ ކުރާ މިންވަރު މޮނިޓަރ ކުރުމުގެ މަސައްކަތް ހަރުދަނާ ކުރެވޭނެ
 
ޕޯޓަލް އިފްތިތާފްކޮށްދެއްވީ ރައީސް ސޯލިހު

މޯލްޑިވްސް ހިއުމަން ރައިޓްސް ޕޯޓަލް އިފްތިތާޙު ކޮށްފިއެވެ.

ބައިނަލްއަޤުވާމީ އިންސާނީ ޙައްޤުތަކުގެ ދުވަހުގެ މުނާސަބަތުގައި ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) ބޭއްވި ރަސްމިއްޔާތުގައި މިޕޯޓަލް އިފްތިތާޙުކޮށްދެއްވީ ރައިސުލްޖުމްހޫރިއްޔާ އިބްރާހިމް މުޙައްމަދު ޞާލިޙެވެ.

ޑެންމާކް އިންސްޓިޓިއުޓް އޮފް ހިއުމަން ރައިޓްސް (ޑީ އައި އެޗް އާރް) ގެ ފަރާތުން މި ޕޯޓަލް ފަރުމާކުރުމަށް މާލީ އެހީތެރިކަން ފޯރުކޮށްދީފައިވެއެވެ. މިޕޯޓަލްއަކީ އެޗްއާރްސީއެމް އަދި އެޓަރނީ ޖެނަރަލް އޮފީސް އޮފީސް ގުޅިގެން ތައްޔާރުކޮށްފައިވާ ޕޯޓަލްއެކެވެ.

މިޕޯޓަލްގެ މަޤްޞަދަކީ ރާއްޖޭގެ ޤާނޫނު އަސާސީއާ އިންސާނީ ޙައްޤުތަކާ ބެހޭ ބައިނަލްއަޤުވާމީ މުޢާހަދާތަކުން ލިބޭ ޙައްޤުތައް ފޯރުކޮށްދިނުމަށްޓަކައި ދައުލަތުން އުފުލަންޖެހޭ ޒިންމާތައް އަދާ ކުރާ މިންވަރު މޮނިޓަރ ކުރުމުގެ މަސައްކަތް އިތުރަށް ހަރުދަނާ ކުރުމެވެ.

އެޗްއާރްސީއެމުން ބުނީ ދިވެހިރާއްޖޭގެ ޖުމްހޫރިއްޔާގެ ޤާނޫނު އަސާސީގެ ދެވަނަ ބާބުގައި ބަޔާންކޮށްފައިވާ އަސާސީ ޙައްޤުތަކާއި މިނިވަންކަމާއި، ދިވެހިރާއްޖެއިން ބައިވެރިވެފައިވާ އދ.ގެ އިންސާނީ ޙައްޤުތަކާ ބެހޭ މުޢާހަދާތަކުން ކަށަވަރުކޮށްދޭ ޙައްޤުތައް ތަންފީޒުވާ މިންވަރު މިޕޯޓަލް މެދުވެރިކޮށް ބެލޭނެ ކަމަށެވެ.

އ.ދގެ އިންސާނީ ޙައްޤުތަކާބެހޭ ޓްރީޓީ ބޮޑީތަކުންނާއި ،ޔުނިވަރސަލް ޕީރިއޮޑިކް ރިވިއު (ޔޫ ޕީ އާރް) ގެ ދަށުން ދިވެހި ދައުލަތަށް ހުށަހަޅާފައިވާ ހުށަހެޅުންތަކާ، އެޗްއާރްސީއެމުން ހުށަހަޅާ ހުށަހެޅުންތައް ދައުލަތުން ތަންފީޒު ކުރާ މިންވަރު ދެނެގަތުމުގެ މިންވަރު ދެނެގަތުމުގެ އިތުރުން އެޓަރނީ ޖެނަރަލް އޮފީހުން އެކުލަވާލާ ނެޝަނަލް ހިއުމަން ރައިޓްސް އެކްޝަން ޕްލޭން ތަންފީޒުވަމުންދާ މިންވަރު ދެނެގަތުމަށް މި ޕޯޓަލްގެ ސަބަބުން ފަސޭހަވެގެންދާނެ ކަމަށް ވެސް އެކޮމިޝަނުން މައުލޫމާތުދެއެވެ.

މީގެ އިތުރުން އެޗްއާރްސީއެމުން ބުނީ މިކަންކަން ތަންފީޒު ކުރުމަށް ދައުލަތުގެ މުޢައްސަސާތަކުން ކުރަމުންދާ މަސައްކަތްތަކާ ގުޅޭ މަޢުލޫމާތުތައް އެއްކުރުމަށް ފަސޭހަވެ އެމަޢުލޫމާތުތައް ފަސޭހައިން އެއްތަނަކުން ފެންނާނެ ގޮތް ހަމަޖެހިގެންދާނެ ކަމަށެވެ.

އެޗްއާރްސީއެމުން ބުނީ މިހިނގާ އަހަރަކީ އިންސާނީ ޙައްޤުތައް ޙިމާޔަތް ކުރުމަށް ކޮމިޝަނުން ކާމިޔާބީތަކެއް ޙާޞިލުކޮށްފައިވާ އަހަރެއް ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
100%
0%
0%
0%
0%
ކޮމެންޓް