ކ. މާލެ
|
27 މާރޗް 2017 | ހޯމަ 19:43
އައިސިސްގެ ހަނގުރާމަވެރިންތަކެއް ރައްގާގައި ހަރަކާތްތެރި ވަނީ
އައިސިސްގެ ހަނގުރާމަވެރިންތަކެއް ރައްގާގައި ހަރަކާތްތެރި ވަނީ
ބީބީސީ
އައިސިސް-ސީރިޔާ
އައިއެސްގެ ކޮންޓްރޯލް އޮންނަ ވައިގެ ބޭސްްއެއް އެމެރިކާ އިން މަދަދުދޭ ސީރިޔާ ހަނގުރާމަވެރިން ހިފައިފި
 
ތަބްގާ އެއާޕޯޓް އައިއެސް އިން އެމީހުންގެ އަތްދަށަށް ގެނައީ 2014 ވަަނަ އަހަރު

އިސްލާމިކް ސްޓޭޓް (އައިއެސް)ގެ ކޮންޓްރޯލް އޮންނަ ސީރިޔާގެ ރައްގާ ސިޓީގެ ގާތުގައި އޮންނަ ވައިގެ ބޭސްއެއް ކަމަށްވާ ތަބްގާ އެއާޕޯޓް އެމެރިކާ އިން މަދަދުދޭ ސިރިޔާ ހަނގުރާމަވެރިން ހިފައިފިއެވެ.

ރައްގާ ގާތުގައި އޮންނަ މި ވައިގެ ބޭސް އެމެރިކާ އިން މަދަދޫ ދޭ ހަނގުރާމަވެރިން ހިފުމުން، އައިއެސް އިން އެމީހުންގެ ވެރިރަށް ކަމުގައި ބަލާ ރަށުން، އައިއެސް ފައްސާލުމަށް މަގުފަހިވެގެން ދާނެ ކަމަށް ރިޕޯޓުތައް ބުނެއެވެ.

އެމެރިކާއިން މަދަދުދޭ ސީރިޔަން ޑިމޮކްރެޓިކް ފޯސަސް (އެސްޑީއެފް) ގެ ތަރުޖަމާނު، ތަލާލް ސެލޯ ވިދާޅުވީ، އެސްޑީއެފް އިން ތަބްގާ އެއާޕޯޓް އައިއެސްގެ ހަނގުރާމަވެރިން އަތުން ހިފާފައިވާ ކަމަށެވެ. އެމެރިކާއިން މަދަދުދޭ ސީރިޔާ ހަނގުރާމަވެރިން އައިއެސް އާ ދެކޮޅަށް ހަމަލާތައް ވަރުގަދަ ކުރަމުންދާއިރު، އިންސާނީ ހައްގުތަކަށް މަސައްކަތްކުރަމުންދާ ފަރާތްތަކުން ވަނީ އާންމުންގެ ސަލާމަތާ ދޭތެރޭ ކަންބޮޑުވާކަން ފާހަގަކޮށްފައެވެ. އިނގިރޭސި ވިލާތަށް ނިސްބަތްވާ ސީރިޔަން އޮބްޒަވޭޓަރީ ފޯ ހިއުމަން ރައިޓްސް އިން ބުނެފައިވާ ގޮތުން އެމެރިކާ އާއި ގުޅިފައިިވާ ކޯލިޝަނުން މިދިޔަ ހަފްތާގައި ދިން ހަމަލާތަކުގައި 89 އާންމުން މަރުވެފައި ވެއެވެ.

ތަބްގާ އެއާޕޯޓް އައިއެސް އިން އެމީހުންގެ އަތްދަށަށް ގެނައީ 2014 ވަަނަ އަހަރުއެވެ. އެއަށްފަހު، އެއާޕޯޓް ހިފިއިރު އެތާ ތިބި ގިނަ އަދަދެއްގެ ސީރިޔާ ސިފައިން، އައިއެސް އިން ވަނީ މަރާލާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް