ކ. މާލެ
|
4 ޑިސެންބަރ 2019 | ބުދަ 10:41
200 މީޓަރު ދުވުމުގެ ތެރެއިން
200 މީޓަރު ދުވުމުގެ ތެރެއިން
މޯލްޑިވްސް އޮލިމްޕިކް ކޮމިޓީ
ސައުތް އޭޝިއަން ގޭމްސް
200 މީޓަރު ދުވުމުން ސާއިދު ލޯ މެޑަލް ހޯދައިފި
 
200 މީޓަރު ދުވުމުގެ ފައިނަލް ހީޓު ސާއިދު ނިންމައިފައިވަނީ 21.22 ސިކުންތުން

ނޭޕާލުގައި މިހާރު ކުރިޔަށްދާ ސައުތް އޭޝިއަން ގޭމްސްގެ 200 މީޓަރު ދުވުމުން ރާއްޖޭގެ ހަސަން ސާއިދު ލޯ މެޑަލް ހޯދައިފިއެވެ.

ބުދަ ދުވަހު ކުރިޔަށްދިޔަ އެތްލެޓިކްސް 200 މީޓަރު ދުވުމުގެ ފައިނަލް ހީޓު ސާއިދު ނިންމައިފައިވަނީ 21.22 ސިކުންތުން ރޭސް ނިންމައިގެންނެވެ. 200 މީޓަރު ދުވުމުން އެއްވަނަ އަށް ދިޔަ ޕާކިސްތާނުގެ ދުވުންތެރިޔާ އުޒްއިރް ރަހްމާން ދުވުން ނިންމީ 21.15 ސިކުންތުންނެވެ. އަދި ދެވަނަ އަށް ދިޔަ ސްރީލަންކާގެ ބާރު ދުވުންތެރިޔާ ވިނޯޖް ރޭސް ނިންމައިފައިވަނީ 21.19 ސިކުންތުންނެވެ.

ޝާއިދު ފައިނަލަށް ދަތުރު ކޮށްފައިވަނީ އޭނާ ދުވި ހީޓުގެ ތިންވަނަ ހޯދައިގެންނެވެ. ސާއިދު ރޭސް ނިންމީ 21.83 ސިކުންތުންނެވެ. މި ހީޓުގެ އެއްވަނަ ހޯދި ދުވުންތެރިޔާ ޕާކިސްތާނުގެ މުހައްމަދު ޝަހްބާ ރޭސް ނިންމައިފައިވަނީ 21.64 ސިކުންތުންނެވެ. އަދި މި ހީޓުގެ ދެވަނަ އަށް ދިޔަ ދުވުންތެރިޔާ ސްރީލަންކާގެ ވިނޯޖް ރޭސް ނިންމައިފައިވަނީ 21.70 ސިކުންތުންނެވެ.

އަންގާރަ ދުވަހު ބޭއްވި 100 މީޓަރު ދުވުމުން ސާއިދު ވަނީ ރަން މެޑަލް ހޯދައިފައެވެ. މި ރޭސް ސާއިދު ކާމިޔާބުކުރީ 10.49 އިން ރޭސް ނިންމައިގެންނެވެ. ސާއިދު އާއި އެންމެ ގާތުން ވާދަކުރީ ސްރީލަންކާގެ ދުވުންތެރިޔެކެވެ. އޭނާއަށް ރޭސް ނިންމާލެވުނީ 10.50 އިންނެވެ.

މިއީ 2015 ވަނަ އަހަރު ބޭއްވި އިންޑިއަން އޯޝަން އައިލެންޑް ގޭމްސްއިން ހޯދި ރަން މެޑަލްއަށްފަހު ބައިނަލްއަގްވާމީ މަލްޓި ގޭމްސްއަކުން ރާއްޖެ ލިބުނު އެންމެ ބޮޑު ޝަރަފެވެ. ރަން މެޑަލްއެވެ. މި ކާމިޔާބިއާއެކު ސާއިދު ވެގެންގޮސްފައިވަނީ ރާއްޖޭގެ ކުޅިވަރު ތާރީހުގައި އެންމެ ކާމިޔާބު އެތްލީޓުގެ ގޮތުގައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
100%
ކޮމެންޓް