ހޯމަ 22 ޖުލައި 2019
08 ފުސް
1440 ޒުލްގައިދާ 19
ފަތިސް 04:44
އިރުއަރާ 06:01
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ކުޅިވަރު - ލޯންގް ރަން 2017

ކޮކާކޯލާ ލޯންގް ރަންގެ މެޑަލްތަކާއި ޓީޝާޓް އަދި ސްޕޮންސަރުން ދައްކާލައިފި

  • ކޮކާކޯލާ ރަން 2017 ގައި އެހެން އަހަރުތަކެކޭވެސް އެއްފަދައިން ބައިނަލްއަގުވާމީ ދުވުންތެރިން ބައިވެރިވާނެ

ލީވާން އަލީ
MrLeevaan

ކ. މާލެ 9 ފެބުރުއަރީ 2017 | ބުރާސްފަތި 17:11 2,422

މިދިޔަ އަހަރު ބޭއްވި ލޯންގް ރަންގެ ތެރެއިން - އިސްމާއިލް ރިޔާޒް

ޓޯޓަލް ފިޓްނަސް ގްރޫޕުން އިންތިޒާމުކޮށްގެން ބާއްވާ ކޮކާކޯލާ ލޯންގް ރަން 2017 ގައި ބޭނުންކުރާ މެޑަލް ތަކާއި ޓީޝާޓް އަދި ސްޕޮންސަރުން ދައްކާލައިފި އެވެ.

މި ދުވުން ބާއްވަމުން އަންނަތާ ފަސް އަހަރުވެފައިވާއިރު، ބުރާސްފަތި ދުވަހު ސޯލްޓް ކެފޭ ރެސްޓޯރެންޓުގައި މި ދުވުމުގެ ގްރޭންޑް ލޯންޗިން ވަނީ ބާއްވާފައެވެ. އެގޮތުން ދުވުމުގައި ކުރިން ވާދަކުރި ދުވުންތެރިންވެސް ވަނީ ފެނިގެންގޮސްފައެވެ.

މަޝްހޫރު ގިނަ ވިޔަފާރި ކުންފުނިތަކުގެ އެހީއާއެކު މި ދިގު ދުވުން ފެށުމަށް ހަމަޖެހިފައިވަނީ އަންނަ އެޕްރީލް މަހުގެ 14 ވަނަ ދުވަހުއެވެ. އެގޮތުން މި އަހަރު ބާއްވާ ދުވުން އެހެން އަހަރުތަކާ ތަފާތުވާނެ ކަމަށް އިންތިޒާމް ކުރާ ފަރާތުން ހާމަކޮށްފައިވާއިރު، މެޑަލް އަދި ބޭނުންކުރާ ޓީޝާޓަށްވެސް ވަނީ ބަދަލުތަކެއް ގެނެސްފައެވެ.

ހާފް މެރެތަން، 10 ކިލޯމީޓަރު ދުވުން އަދި ފަސް ކިލޯ މީޓަރު ދުވުން ހިމެނޭ މި އިވެންޓުގައި އެހެން އަހަރުތަކެކޭ އެއްފަދައިން މި އަހަރުވެސް ރާއްޖޭ ދުވުންތެރިންގެ އިތުރުން ބައިނަލްއަގުވާމީ ދުވުންތެރިންނަށް ފުރުސަތު ދޭން ވަނީ ނިންމާފައެވެ.

ދުވުން ފެށުމަށް ހަމަޖެހިފައި ވަނީ އޭޕްރީލް 14 ވަނަ ދުވަހުގެ ރޭ ފަތިހު 3:20 ގައެވެ. ގާތްގަނޑަކަށް ހަތަރު ވަރަކަށް ގަޑިއިރަށް ދުވުން ކުރިއަށް ގެންދަނީ ހަތަރު އިވެންޓަކަށް ބަހަލައިގެންނެވެ.

މިދިޔަ އަހަރު ބޭއްވި ކޮކާކޯލާ ލޯންގް ރަންގައި 500 އަށް ވުރެ ގިނަ ދުވުންތެރިން ބައިވެރިވެފައިވާއިރު ބޮޑު ތަރުހީބެއް ވަނީ ލިބިފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް