ނޭޕާލުގައި މިހާރު ކުރިޔަށްދާ 13 ވަނަ ސައުތް އޭޝިއަން ގޭމްސްގެ ޓޭބަލް ޓެނިސް މިކްސް ޑަބަލްސް އިވެންޓުން ރާއްޖޭގެ އައިޝަތު ރަފާ ނާޒިމް އަދި މުހައްމަދު ޒީސްތު ނަސީމްގެ ޕެއާ ކުއާޓާ އަށް ދަތުރު ކޮށްފިއެވެ.

ރަފާ އަދި ޒީސްތުގެ ޕެއާ ކުއާޓާ ފައިނަލަށް ދަތުރުކުރީ ނޭޕާލްގެ ޝިވީޝަދަރު އަދި ޝިކާގެ ޕެއާ ހަތަރު ސެޓު ދެ ސެޓުން ބަލިކޮށްގެނެވެ.

މެޗުގެ ފުރަތަމަ ސެޓު ވާދަވެރި ކުޅުމަކަށްފަހު ނޭޕާލްގެ ސިވީޝަދަރު އަދި ޝިކާގެ ޕެއާއިން ވަނީ ކާމިޔާބުކޮށްފައެވެ. މި ސެޓު ނޭޕާލްގެ ޕެއާއިން ކާމިޔާބުކުރީ 10-12 އިންނެވެ.

މެޗުގެ ދެވަނަ އަދި ތިންވަނަ ސެޓު ރަފާ އަދި ޒީސްތުގެ ޕެއާއިން މޮޅު ކުޅުމެއް ދެއްކިއިރު މި ދެ ސެޓު ރަފާ އަދި ޒީސްތުގެ ޕެއާއިން ކާމިޔާބުކުރީ 11-9 އަދި 11-04 އިންނެވެ.

މެޗުގެ ހަތަރުވަނަ ސެޓު ލަންކާގެ ޕެއާއިން ވަނީ ފަސޭހަ ކަމާއި އެކު ކާމިޔާބު ކޮށްފައެވެ. މި ސެޓު ލަންކާގެ ޕެއާ އިން ކާމިޔާބުކުރީ 7-11 އިންނެވެ. ނަމަވެސް މެޗުގެ ފަހު ދެ ސެޓު ރަފާ އަދި ޒީސްތުގެ ޕެއާއިން ވަނީ ފަސޭހަ ކަމާއި އެކު ކާމިޔާބުކޮށް ކުއާޓާ ފައިނަލަށް ދަތުރު ކޮށްފައެވެ. މި ދެ ސެޓު ރަފާ އަދި ޒީސްތުގެ ޕެއާ އިން ކާމިޔާބުކުރީ 11-9 އަދި 11-2 އިންނެވެ.

ޓޭބަލް ޓެނިސް މިކްސް ޑަބަލްސްގެ ކުއާޓާ ފައިނަލްގެ މެޗުތައް ބުދަ ދުވަހު މެންދުރު ފަހުގައި އޮންނާނެއެވެ.

ރާއްޖޭގެ އަންހެން ޓޭބަލް ޓެނިސް ޓީމުން ވަނީ މި މުބާރާތުގެ ޓީމް އިވެންޓުން ލޯ މެޑަލް ހޯދައިފައެވެ.