އީޕީއޭ މިނިވަންކޮށް ހިނގާ ތަނެއްކަން ކަށަވަރު ކުރާނަން: އެންވަޔަރަންމަންޓް މިނިސްޓަރ
19 ނޮވެމްބަރު 2019 | އަންގާރަ 04:50އައު ގާނޫނުގެ ސަބަބުން އީޕީއޭ މިނިވަންވެގެން ދާނެ
ޑރ. ހުސެއިން ރަޝީދު ހުސެއިން، ރައްޔިތުންގެ މަޖިލީހުގެ ޖަލްސާގައި
އެންވަޔަރަންމަންޓަލް ޕްރޮޓެކްޝަން އެޖެންސީ (އީޕީއޭ) އަކީ މިނިވަންކޮށް ހިނގާ ތަނެއްކަން ކަށަވަރުކުރާނެ ކަމަށް އެންވަޔަރަންމަންޓް މިނިސްޓަރ ޑރ. ހުސެއިން ރަޝީދު ހަސަން ވިދާޅުވެއްޖެއެވެ.
ރާއްޖެޓީވީގެ "ފަލަސުރުހީ" ޕްރޮގްރާމްގައި ވާހަކަދައްކަވަމުން ހުސެއިން ރަޝީދު ހަސަން ވިދާޅުވީ މި ސަރުކާރު ހަވާލުވިއިރު އެންވަޔަރަންމަންޓަލް ޕްރޮޓެކްޝަން އެޖެންސީ އޮތީ ވަރަށް ހަނިވެފައި ކަމަށާއި، ކުރީ ސަރުކާރުން އީޕީއޭ އަތުން ޓޫރިޒަމާއި ބެހޭ އެންވަޔަރަންމަންޓަލް އެސެސްމެންޓް ރިޕޯޓް ހެދުން އޮތީ ނަގައިފައި ކަމަށެވެ. ނަމަވެސް މި ސަރުކާރުގެ ވަރަށް ކުރީކޮޅު ޓުއަރިޒަމް ގާނޫނަށް ބަދަލު ގެނަސް ކުރިން އޮތް ގޮތަށް އިޔާދަކޮށްފައިވާ ކަމަށް މިނިސްޓަރ ވިދާޅުވި އެވެ.
އެހެންކަމުން މިހާރުވެސް އީޕީއޭ ބާރުވެރިކުރުމަށް މަސައްކަތް ކުރެވިފައިވާ ކަމަށް މިނިސްޓަރ ވިދާޅުވިއެވެ.
އީޕީއޭ ގާނޫނީ ގޮތުން ބާރުވެރިކުރުމަށްކުރާ މަސައްކަތް ކުރާނެ ކަމުގެ ޔަގީންކަން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ދެއްވައިފައިވާ ކަމަށާއި އެގޮތުން މިހާރު އޮތް ތިމާވެށީގެ ގާނޫނަށް އިސްލާހު ގެނަސް އީޕީއޭގެ ވާޖިބުތަށް ގާނޫނުގައި ލިޔާނެ ކަމަށް މިނިސްޓަރ ވިދާޅުވި އެވެ. އަދި މިހާރު އީޕީއޭއިން ކޮންމެ ދުވަހަކު ކުރަމުން ގެންދާ މަސައްކަތައް މިނިސްޓްރީން ނުބެހޭނެ ކަމަށާއި މިހާރު ވެސް އެތަން ހިނގަމުން ދަނީ ވަރަށް މިނިވަންކޮށް ކަމަށް މިނިސްޓަރ ވަނީ ވިދާޅުވެފައެވެ.
