އީޕީއޭއަށް ލިބެން ޖެހޭ 19 މިލިއަން ރުފިޔާ ނުލިބޭ!
ޤަވާއިދާ އެއްގޮތައް ފިޔަވަޅު އެޅުމަށާއި މައްސަލަތައް ޝަރީއަތައް ހުށަހަޅަން ޖެހޭ: އޮޑިޓަރ ޖެނެރަލް
ފުވައްމުލަކު ފަރަށް އެރި ބޯޓް: އީޕީއޭއަށް ޖޫރިމނާގެ ގޮތުގައި 19 މިލިއަން ރުފިޔާ ނުލިބިވޭ
އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕީއޭ) އަށް އެކިއެކި ފަރާތްތަކުން ޖޫރިމަނާގެ ގޮތުގައި ދައްކަންޖެހޭ ފައިސާގެ ތެރެއިން 19 މިލިއަނަށްވުރެ ގިނަ ރުފިޔާ ނުލިބިވާކަން ހާމަވެއްޖެއެވެ.
މިކަން ހާމަވެފައިމިވަނީ އޮޑިޓަރ ޖެނެރަލް ނެރުއްވި އެންވަޔަރަންމަންޓް މިނިސްޓްރީގެ 2014 ވަނަ އަހަރުގެ އޮޑިޓް ރިޕޯޓުންނެވެ.
އެންވަޔަރަންމަންޓް މިނިސްޓްރީގެ 2014 ވަނަ އަހަރުގެ އޮޑިޓް ރިޕޯޓުގައި ބުނެފައިވާ ގޮތުގައި އީޕީއޭއިން ކޮށްފައިވާ ޖޫރިމަނާތަކުގެ ތެރެއިން 2015 ވަނަ އަހަރުގެ ނިޔަލަށް އެއެޖެންސީއަށް ލިބެންޖެހޭ ކަމަށް ލިޔެކިޔުންތަކުން ދައްކާ ނަވާރަ މިލިއަން ހަތްދިހަ ފަސް ހާސް ހަތް ސަތޭކަ ފަސްދޮޅަސް ރުފިޔާ މިހާތަނަށް ލިބިފައި ނުވާކަމަށެވެ. އޭގެ ތެރޭގައި 2009 ވަނަ އަހަރާއި 2011 ވަނަ އަހަރު ކޮށްފައިވާ ޖޫރިމަނާވެސް ހިމެނޭ ކަމަށް އޮޑިޓް ރިޕޯޓުގައި ވަނީ ބުނެފައެވެ.
އޮޑިޓް ރިޕޯޓުގައި ބުނެފައިވާ ގޮތުގައި މިހެން ދިމާވެފައިވަނީ ޖޫރިމަނާ ކުރެވޭ ވަގުތުން ފެށިގެން ޖޫރިމަނާ ކުރެވޭ ފަރާތްތަކަށް، ގަވާއިދުން ލިބިދޭ އިސްތިއުނާފްގެ ފުރުސަތަށް އެފަރާތުން އެދުމުން އީޕީއޭއަށް ޤާނޫނުން ލިބިދޭ ފައިސާ ހޯދުމުގެ ބާރު ހަނިވެގެންދާތީކަމަށް އެފަރާތުން މައުލޫމާތު ދީފައިވާ ކަމަށެވެ. އަދި ދައުލަތައް ލިބެންޖެހޭ ފައިސާ އަޅަންޖެހޭ ފިޔަވަޅުތައް އަޅައި، އެއޮފީހަކުން އަޅާފައި ހުރި ފިޔަވަޅުތައް އިނގޭނޭ ގޮތައް ރިކޯޑްތައް ބެލެހެއްޓުމަށް ދައުލަތުގެ މާލިއްޔަތުގެ ގަވާއިދުގައި ބަޔާންކޮށްފައި ވީނަމަވެސް އީޕީއޭއިން އެފަދައިން އަމަލުކޮށްފައި ނުވާކަން ފާހަގަ ކުރެވިފައިވާކަމަށެވެ.
އަޅަންވީ ފިޔަވަޅުތަކުގެ ތެރޭގައި އޮޑިޓް ރިޕޯޓުގައި ބުނެފައިވަނީ ދައުލަތުގެ މާލިއްޔަތު ޤަވާއިދާ އެއްގޮތައް ފައިސާ ހޯދުމަށް ފިޔަވަޅު އެޅުމަށާއި އެގޮތުންވެސް ނުލިބޭނަމަ މައްސަލަތައް ޝަރީއަތައް ހުށަހެޅުމަށެވެ.
